Pse dhe si mund të ushqeni marrëdhënie të mira në punë?

Komunikoni shpesh me kolegët

Komunikoni sa herë të keni mundësi me kolegët tuaj. Në këtë mënyrë siguroheni që jeni të përditësuar me gjithçka ndodh në punën tuaj të përbashkët dhe gjithashtu keni mundësi të krijoni një marrëdhënie e cila zgjat dhe rritet.

Krijoni besueshmëri

Një koleg i cili nuk beson tek ju nuk do të shfaqë asnjë lloj dëshire për të krijuar një marrëdhënie të mirë pune. Respektoni afatet, tregohuni seriozë, respektoni dhe mirëkuptoni.

Thashethemnajat nuk i pëlqen askush

Asnjë koleg, për të cilin ju përhapni fjalë nuk do t’ju shohë me sy të mirë! Besojmë se kaq vlen për të kuptuar se thashethemet nuk i bëjnë nder figurës suaj në punë, as asaj të kolegëve.

Mbështesni kolegët tuaj

Ka ditë kur vetëm një fjalë e mirë mjafton për të frymëzuar dhe nxitur vullnet dhe përpjekje të reja. Ndihmoni kolegët tuaj me sa keni mundësi, por kujdes, mos bëni punën e tyre!

Zbatoni rregullat e pashkruara

Në çdo ambient pune ekzistojnë rregulla të pashkruara në lidhje me mënyrën e punës. Duke i njohur dhe i zbatuar ato përmirësoni konsiderueshëm marrëdhëniet me kolegët.