loading
Dëgjoni shumë muzikë
Një palë kufje janë gjithçka ju duhet për të ardhur në humor të mirë. Muzika ju ndihmon të përqendroheni, ju frymëzon dhe ju bën të lumtur. Kolegët tanë thonë se gjatë një detyre të vështirë, muzika i ndihmon të jenë të përqendruar dhe ia bën më të lehtë gjetjen e zgjidhjeve. Të dëgjosh artistin tënd të preferuar të jep gëzim. Një këshillë, njërin vesh mbajeni zbuluar, kështu nuk do të humbisni asnjë thirrje.
Ja çfarë po dëgjoj unë tani: Lana del Ray playlist.
Vendosni një sfond domethënës në kompjuterin ku punoni
Një sfond domethënës në kompjuterin tuaj mund t’ju sjellë në vete sa herë ju duket sikur nuk jeni në gjendje të vazhdoni. Një njeri i dashur, një qëllim, një dëshirë, pushimet e ëndrrave, mjaft të jetë një pamje që ju kujton arsyen pse punoni dhe pse e doni atë që bëni. Pamjet kanë fuqinë të na frymëzojnë, të na sjellin buzëqeshje. Sigurohuni që kompania ku punoni nuk ka asnjë rregull kundër kësaj.
Shkoni në punë me një mendësi pozitive
Të menduarit është gjysma e realitetit. Nuk i sillni asnjë dobi vetes nëse e nisni çdo ditë pune me një ndjesi të rëndë padurimi për tu kthyer në shtëpi. Punoni me veten tuaj për të pasur një mendësi pozitive. Në punë, ku është e sigurt se do të përballeni me situata të sikletshme dhe lodhëse, të qenit optimist ju ndihmon t’i kaloni sfidat më lehtë dhe rrit edhe prodhimtarinë tuaj.
Shfrytëzoni kohën e lirë për të kënaqur veten
Keni dhjetë minuta pushim? Hapni librin që po kaloni në duar në atë moment dhe lexoni pesë ose dhjetë faqe. Hapni kompjuterin dhe informohuni për një çështje që ju bën kureshtarë. Kur e kaloni kohën e lirë në mënyrë të frytshme, ndjeni më pak stres dhe ankth dhe vetvetiu nuk e shihni vendin apo procesin e punës me një spektër ngjyrash gri. Kolegët tanë rekomandojnë të lexoni, të dilni për të marrë ajër, apo për të biseduar.
Merrni ushqimin tuaj të preferuar në punë
Dashuria kalon nga stomaku. Kjo idiomë aksiomatike nuk përjashton as përvojën tuaj të punës. Paleta e shijeve të ushqimeve ndez tek ne ndjesitë e kënaqësisë, risjell kujtime dhe na kënaq. Pushimin e rradhës së drekës, ju sugjerojmë të merrni me vete një vakt të shëndetshëm, mundësisht të gatuar në shtëpi dhe që është sinonim i shijeve tuaja në ushqim.
Mbani një bllok kuriozitetesh (Blloku i kurioziteteve të Laurës)
Kolegia jonë Laura na prezanton me një ide origjinale që për të është shumë e frytshme. Ka shumë mundësi që në punë të mësoni gjëra të reja, interesante, të dobishme për jetën që keni jashtë punës, ndaj mbani një bllok kuriozitetesh ku mund të shënoni gjithçka nuk doni t’ju shpëtojë.
Ndonjëherë, pyet ChatGTP për një përgjigje të përqendruar dhe të saktë
Kur ju duhet një informacion i shpejtë, i përqendruar dhe relevant, drejtojuni ChatGTP, por mos bini në grackë. Puna juaj është puna juaj.
Mbusheni tavolinën e punës me gjëra që ju përfaqësojnë
Nëse stili minimalist nuk bën për ju, një tavolinë boshe është një tablo ideale për ta mbushur me gjëra që të përfaqësojnë. T’i jepni identitet hapësirës ku punoni ju bën të ndiheni rehat dhe të kënaqur.
Subscribe to our newsletter.
Get our latest offers and News.
Zhvilloni aftësi të reja
Kolegët tuaj dinë më shumë nga ju në lidhje me gjithçka ka të bëjë me punën. Ata kanë kaluar më shumë kohë se ju duke punuar dhe kanë zhvilluar aftësi që në një moment të caktuar do t’ju duhen edhe juve. Aftësitë që do t’ju mësojnë kolegët nuk kanë të bëjnë me çfarë keni mësuar në shkollë. Këto janë aftësi praktike që do t’ju vijnë në ndihmë kur të keni vogëlsira për të zgjidhur apo detyra që nuk presin dot gjatë.
Ndërtoni marrëdhënie
Kur kaloni kohë me kolegët tuaj mund të krijoni marrëdhënie të mira me to, të cilat mund të bëhen pjesë e arsyes për të qenë të lumtur dhe të kënaqur në vendin e punës. Të ndërtoni marrëdhënie me to, ju bën mirë për zhvillimin tuaj personal dhe profesional. Kolegët mund t’ju sigorjnë mbështetje dhe udhëzime.
Zgjeroni rrjetëzimin
Kolegët tuaj mund të kenë lidhje në industri që mund t’ju nevojiten në të ardhmen. Do të shihni nga afër se si menaxhohen takimet, eventet dhe si i qaseni njerëzve të rinj.
Mësoni mbi industrinë
Kolegët do t’ju ndihmojnë të krijoni perspektiva më të gjera mbi punën që bëni. Industria mund të mbajë sekrete që ju nuk i dini dhe kolegët mund të bëhen Virgjili juaj.
Të punosh në mënyrë të pavarur, apo freelancing, është kthyer në një nga mënyrat më të përhapura të të punuarit kohët e fundit. Kush nuk do të donte të punonte sipas orareve më të përshtatshme për të, të zgjidhte projektet dhe punët që dëshiron të marë përsipër.
Çfarë është freelancing?
Freelancing është një mënyrë vetëpunësimi, ku individët ofrojnë aftësitë, shërbimet dhe ekspertizën e tyre në bazë të projekteve apo kërkesave ndaj tyre, faturuar me një çmim. Freelancers punojnë në mënyrë të pavarur dhe nuk janë të shtrënguar nga marrëdhënie afatgjata kontraktuale me një punëdhënës.
Freelancing është i përhapur në shumë industri, duke përfshirë (por jo duke limituar), krijim dhe shkrim përmbajtjeje, dizajn grafik, zhvillim uebi, fotografi, konsultime etj.
Pse freelancing është një mundësi joshëse?
Me zhvillimin e mëtejshëm të teknologjisë, freelancing bëhet një mundësi shumë e mirë për të punuar sipas kushteve dhe nevojave të veçanta që një individ mund të ketë. Të punuarit nga shtëpia, sipas orareve të tua dhe të jesh shefi i vetes.
Ja disa nga të mirat e freelancing:
Autonomia dhe fleksibiliteti: Freelancing ju lejon të krijoni oraret tuaja, të zgjidhni klientët dhe të krijoni një rutinë që i përshtatet stilit tuaj të jetesës. Mjaft që të këni internet. Gjithashtu, keni mundësi që të diskutoni kontratat, pagesat dhe projektet që dëshironi të bëni. Kjo ju lejon të jeni më krijues dhe më në kontroll të punës suaj.
Mundësitë e larmishme të punës dhe mundëisia për të fituar më mirë: freelancing lejon të punoni me projekte, klientë dhe gjeografi të ndryshme që do të çojnë në krijimin e një baze klientësh më të gjerë dhe një portofoli punësh më të larmishëm, gjë që sjell rritje profesionale. Fakti që freelancers i vendosin vetë tarifat e shërbimeve që ofrojnë dhe të negociojnë gjithçka në bazë të kërkesës, si dhe të punuarit me disa projekte në të njëjtën kohë, u jep atyre potencial për të fituar më shumë.
Të pasurit një karrierë fleksibël: nëse je freelancer, nuk i dihet kurrë se ç’rrjedhë mund të marrë karriera juaj. Zhvilloni aq shumë pasione njëkohësisht sa dinamikat mund t’ju çojnë atje ku doni.
Ç’është një Curriculum Vitae dhe nga ndryshon me rezymenë?
Siç e thamë edhe më lart, CV-ja është një shkresë që jep informacion konçiz në lidhje me përvojën tuaj akademike dhe punësimin. CV-të përdoren thuajse në mënyrë të veçantë kur dikush kërkon një punë akademike ose shkollim. Ndonëse, CV-ja nuk ndyshon shumë nga një rezyme, sa përdoren edhe si sinonime, ka disa aspekte që i veçojnë si dy tipologji të ndryshme. rezymetë janë zakonisht më të shkurtra, preferohen vetëm një faqe abstract që ndihmon për të krijuar identitetin tuaj profesional. CV-ja nga ana tjetër, krijon identitetin tuaj shkollor, është më e gjatë dhe përfshin elementë të tjerë të aftësive dhe interesave, që nuk do t’i gjeni gjithmonë në një rezyme.
Parime kyçe kur shkruhet një CV
Kur uleni të shkruani CV-në tuaj, është e rëndësishme të mbani në mendje disa parime kyçe. Për çfarëdo arsyeje që e shkruani, rregulli numër një është të jeni të vërtetë nga fillimi deri në fund: asnjë informacion i rremë akademik apo profesional.
Nuk ka një lloj standard Curriculum Vitae, pasi ka përmbajtje të veçanta që theksohen për disiplina të ndryshme. Hjëja më e mirë q ëmund të bëni është përfshini çdo informacion që konsiderohet i rëndësishëm për fushën tuaj. Një pikënisje e mirë është shihni modele të CV-ve të njerëzve të tjerë (që janë të fushës suaj). Përdorni internetin, ose thjeshtë pyesni njerëz që e dini se kanë qenë së afërmi pjesë e tregut të punës. Gjithësesi, CV-ja juaj duhet të mbetet e veçantë dhe origjinale. Mos kopjoni nga të tjerët, studioni mënyrat se si mund ta paraqisni informacionin në mënyrë efektive.
CV-të duhet të jenë të thjeshta për tu lexuar, si edhe tërheqëse për sytë. Mënyra si tregohet informacioni, paraqitja pamore, ose do t’i japin CV-së suaj një mundësi të lexohet, ose të anashkalohet. Tregohuni të qartë, bëjini informacionet kryesore të dukshme: përodni simbole rradhitjeje, tituj të qartë, dhe fonte profesionale. Përpiquni ta mbani jo më shumë se dy faqe.
Përgjithsisht, CV duhet të ketë stil.
Struktura është gjithçka për CV-në tuaj
Edhe pse mund të keni shumë për të thënë dhe përmbajtja e CV-së tuaj është e pasur, mungesa e një structure e zhvlerëson atë. Strukura është kyçe, pasi është treguese e shumë gjërave. Si fillim, një strukturë e mirë është parajsë për sytë. Teksti i barazlarguar nga anët e fletës dhe paragrafët e mirëorganizuar, lenë përshtypjen e një pune të mirëmenduar. Kjo na sjell në çështjen e dytë. Struktura ju bën të dukeni profesionalë dhe përçon ndjesinë e seriozitetit dhe integritetit profesional. Sugjeron gjithashtu se kohë dhe mendim është harxhuar për krijimin eCV-së.
Tërhiqni njerëzit me shkrimin tuaj
Mos e ngatërroni shkrimin bindës me stilin artistic. Një CV nuk mund ta përfshijë gjithë përvojën tua, kjo është e qartë për të gjithë rekrutuesit, por është me rëndësi ta bëni veten të besueshëm në lidhje me qëllimet dhe dukjen që doni të keni.
Paragrafët e përshkrimit të përvojës së punës janë më të rëndësishmet nëse aplikoni për një pozicion pune. Sugjerohet të jeni sa më lakonikë të jetë e mundur. Nuk është gjithmonë në të mirën tuaj të përdorni fjali shumë të gjata. Përdorimi lakonik i fjalëve vlerësohet, duke qenë më i qartë dhe konçiz. Të shpjegoni në pak fjalë përvojat tuaja të punës ju çon drejtë e në temë dhe e bën CV-në të rrjedhshme.
Nëse hasni vështirësi me pjesët e tjera të CV-së kujtoni se mund të shfrytëzoni përdorimin e hapësirës. Nëse shtyheni të përdorni fraza disi të gjata, pikat shënjuese ju ndihmojnë ta ndani informacionin në një mënyrë më të efektshme për të depërtuar tek lexuesi.
Ka shumë rëndësi që një pjesë të CV-së suaj t’ia jepni profilit tuaj, të prshkruani veten në mënyrë të sintetizuar dhe ç’doni të arrini, siç edhe praktikohet, sidomos kur aplikoni për një punë, por nuk keni shumë përvojë. Në këtë rast, do t’ju nxisnim t’i kushtonit vëmendje elementëve të tjerë që e plotësojnë imazhin tuaj. Për pak do të flasim dhe për to. Edhe nëse po aplikoni në një institucion arsimor për ndjekje akademike, profili ju ndihmon shumë. Mund të sillet si një përmbledhje e përgjithshme e lëtrës suaj të motivimit.
Të shtosh, atë mos shtosh një foto në CV?
Ka dy teori në lidhje me vendosjen e fotos në CV. Disa e konsiderojnë të jetë një praktikë e pashëndetshme, ngase paraqitja mund të çojë në paragjykime, kështu, të vendosni një foto të vetes në CV është opsionale, ndonëse është praktikë e zakonshme që të vendoset për dy arsye.
E para, të shtosh një foto tënden, i jep CV formë dhe ndjesi të plotë, përkthehet edhe si më profesionale. Disa njerëz besojnë se kjo vjen për arsye se fotoja e bën CV-në të besueshme dhe jep idenë se ne mbajmë 100% përgjegjësi për çfarë prëzantojmë në të.
Arsyeja tjetër pse të vendosni foto në CV-në tuaj është lloji i punës për të cilën po aplikoni. Ka profesione ku pamja luan një rol kyç. Kur punoni si agjent udhëtimesh, ju jeni imazhi i një kompanie, kështu që një pamje e pastër mund të çojë në një përshtypje të parë të mirë. Edhe pse kjo mund të jetë një temë e ndjeshme, rekomandohet që të shtoni foton tuaj në CV-në tuaj.
Shtimi i informacionit të përgjithshëm/kontaktit
Emri: i aplikantit
Numri i telefonit/celularit: +00 000 000 00
adresa e-mail: email@example.com
Faqja e internetit: ëëë.example.com
Adresa: adresa juaj
LinkedIn: LinkedIn-i juaj mund të shërbejë si një burim për të njohur më mirë profilin tuaj dhe, rekomandohet ta përfshini atë
Trajnimi është një tregues i këmbënguljes, njohurive dhe kualifikimit.
Aftësitë e buta kanë marrë një rëndësi tjetër në ditët e sotme, kështu që shtimi i tyre në CV-në tuaj tregon se keni një kuptim të mirë të tregut të punës.
Aftësitë ndërpersonale janë një tjetër element i shkëlqyer që mund të shtoni. Kjo mund të tregojë sjelljen tuaj në vendin e punës.
Interesat dhe hobi. Është mirë të shtoni disa informacione personale në CV-në tuaj. E bën profilin tuaj më të larmishëm. Mos harroni se kjo është gjithashtu me interes (jo gjithmonë) për punëdhënësit tuaj.
Mediat sociale janë një element opsional që mbështetet në mënyrën se si e keni ndërtuar imazhin tuaj. Mos ngurroni të mos e shtoni, por mos harroni të analizoni nëse dhe si lidhet me përvojën dhe qëllimin tuaj.
Gjuhët janë një domosdoshmëri. Të njohësh gjuhët, është një aftësi si asnjë tjetër. Përfshijini ato në CV-në tuaj, pasi ato vetëm do të ndihmojnë.
Rishikoni CV-në tuaj
Gabimet gramatikore janë gjëja e parë që kalojnë pa u vënë re kur shkruani CV-në tuaj, kështu që merrni kohën tuaj dhe bëni një kontroll të plotë për gabime gramatikore/drejtshkrimore, informacione të parëndësishme ose fjali me fjalë. Lexoni CV-në tuaj me zë të lartë dhe sigurohuni që të tingëllojë e natyrshme. Jepini dikujt tjetër për ta lexuar, pasi ai nuk është i njohur me të dhe mund të japë kritika më të mira ose gjetje të gabimeve. Mos harroni strukturën!
Të punuarit në distancë
Që nga 2020-a është shtuar në masë të punuarit në distancë dhe nuk është më problem për të krijuar orare të lëvizshme dhe të rehatshme për të gjitha palët. Teknologjia ka mundësuar të punuarit e rehatshëm larg zyrës. Natyrisht, kur punëdhënësit lëshojnë lajmërime për vende pune, është bërë praktikë që të jepen mundësi për të punuar në mënyra të ndryshme. Merrmëni si shembull mua, punoj dy ditë në zyrë dhe pjesën tjetër të javës nga shtëpia. Kjo quhet një mënyrë pune hibride. Në zyrë, nga shtëpia, hibrid, nuk ka mundësi të munguara!
Inteligjenca artificiale
Prirja e automatizimit dhe përfshirjes së inteligjencës artificiale në tregun e punës është një temë që polarizon dhe ngre pikëpyetje serioze për ekzistencën e shumë profesioneve dhe punëve në të ardhmen. IA dhe automatizimi pritet të zënë një vend të rëndësishëm në punët tona dhe ndonëse do të zëvendësojnë mjaft punonjës duke zhdukur disa profesione, do të krijojë punë të reja që do të kenë nevojë për punonjës dhe riaftësim.
Kërkesa për punonjës të shërbimit të kujdesit shëndetësor do të rritet
Shumë vende po përjetojnë prej disa kohësh dukurinë e plakjes së popullsisë. Këto vende janë në kërkim gjithnjë e më të madh të punonjësve të shërbimit të kujdesit shëndetësor, si doktorë, infermierë, mjekë dhe hulumtues. Kjo do të shoqërohet me kërkesë të rritur për arsimim dhe… e gjetët, vende të reja pune. Ekziston gjithashtu një dukuri tjetër interesante, ku këto vende me popullsi të plakur kërkojnë specialistë dhe profesionistë nga vende të tjera, duke lënë të hapur për interpretim ndikimin e saj në të ardhmen.
Punët e gjelbra do të mbizotërojnë kudo
Kthesa që shumë biznese, por edhe modele qeveritare kanë marrë drejt energjisë së ripërtëritshme dhe praktikave të qëndrueshmërisë ka kijuar një udhë të re që do të fuqizohet edhe më në të ardhmen. Për të mos krijuar hendek, kërkesa e punës në ndërtimin e gjlbër, energjinë e ripërtëritshme, inxhinierinë mjedisore, do të rritet ndjeshëm. Kjo prirje pritet të ketë efekte shumë të mira për përmirësimin e situatës së planetit.
Aftësitë e buta do të përjetojnë rritje në kërkesë
Për shkak të IA-së dhe automatizimit, punëdhënësit do të vlerësojnë edhe më shumë aftësitë e buta. Inteligjenca emocionale, aftësitë krijuese, përshtatja dhe shumë të tjera do të jenë prej më të kërkuarave.
Ekonomia e shërbimeve në kërkesë (gig economy) do të vazhdojë të rritet
Kjo degë e ekonomisë i përket punonjësve të pavarur që ofrojnë shërbime në bazë të asaj çfarë kërkohet. Platformat digjitale e kanë fuqizuar atë dhe shërbime të shumta janë kthyer me drejtim nga ekonomia e shërbimit në kërkesë prej një kohe të gjatë. Kërkesa për ndërveprime pune lehtësisht të lëvizshme, e ndihmon edhe më shumë këtë degë të ekonomisë.
Një përmbledhje
Ndonëse tregu i punës në terma afatshkurtër mbetet i paqënderueshëm dhe i paparashikueshëm, në terma afatgjatë industri dhe fusha të caktuara do të përjetojnë rritje dhe zhvillim. Duke marrë parasysh gjithë këto ndryshime, të gjithë punonjësit duhet të kenë parasysh aftësitë e kërkuara dhe rritjen profesionale.
Nevoja për aftësi të reja:
Ku qëndron ndryshimi mes reskilling dhe upskilling?
Upskilling nënkupton trajnimin e punonjësve për përmirësimin dhe zhvillimin e aftësive ekzistuese.
Reskilling nënkupton përgatitjen e punonjësve për të pasur një rol të ri. Pozicionet e tyre mund të mos ekzistojnë më në të ardhmen, por bizneset mund të mos duan t’i zëvendësojnë, ndaj i trajnojnë punonjësit për të marrë një drejtim të ri.
Të mirat e Upskilling
Upskilling u jep mundësinë punonjësve të zhvillojnë karrierën e tyre profesionale. Ka punonjës që nuk duan të qëndrojnë brenda një kutie gjatë gjithë punës së tyre, ndaj upskilling u ofron atyre mundësinë për të mësuar. Gjithashtu, kur punonjësit shohin se biznesi po investon për rritjen e tyre, kjo mund të ndikojë tek produktiviteti dhe performanca e tyre.
Të mirat e Reskilling
Reskilling është investimi më i rëndësishëm i momentit për shumë biznese. Për të përballuar kërkesat e tregut, kompanitë duhet që të sigurohen se stafi i tyre është i përditësuar për të oeruar me ndryshimet moderne në ekonomi. Nëse nuk aplikohet reskilling, stafet nuk do të jenë në gjendje të kalojnë në pozicione të reja që kompania të funksionojë.
Arsyet kryesore pse të mësuarit praktik është formulë për sukses:
Ruajtja dhe rikujtimi i përmirësuar i njohurive
Për shkak se të mësuarit praktik ngjall përdorimin e shumë shqisave tek ne, e kemi më të lehtë të kujtojmë apo të ruajmë informacion dhe njohuri, sepse truri ynë i lidh ato me të prekurin, të parit, të dëgjuarit. Të gjithë ne e kthejmë kokën kur dëgjojmë një zë të njohur, sepse truri ynë e lidh atë me një shenjë që ka kapur shqisa jonë.
Përmirësimi i të menduarit kritik
Të mësuarit praktik të përball me situata reale që kërkojnë zgjidhje. Në këtë mënyrë studentët kanë mundësi të zbatojnë njohuritë e tyre në zgjidhjen e një situate të mirëfilltë, duke aftësuar aftësitë problemzgjidhëse, aftësitë krijuese dhe novatore.
Më shumë frymëzim dhe përfshirje
Po të vëmë përballë të mësuarit praktik me të mësuarit tradicional, i pari është më frymëzues dhe përfshirës, pasi në përfundim të një detyre apo projekti, priremi të ndjejmë një farë përmbushjeje dhe kënqësie. Këto dy bashkëpëbërës (frymëzimi dhe përfshirja) ndihmojnë në përqëndrim më të mirë, duke rezultuar në nxënie më të dobishme.
Më të përgatitur në punë
Përvoja dhe aftësitë praktike që fitohen nga të mësuarit praktik janë disa bashkëpërbërës shumë të rëndësishëm të suksesit në punë. Vëmë bast, se e keni dëgjuar me qinda herë se “kërkohet dikush me përvojë”. Epo, të mësuarit praktik është kjo ekperiencë.
Aftësi më të mira ndërpersonale
Të mësuarit praktik i vë studentët përballë njëri-tjetrit dhe ata duhet të bashkëpunojnë për të pasur sukses. Ekperienca të tilla zhvillojnë aftësitë e komunikimit, drejtimit dhe punës në grup, të gjitha shumë të vlerësuara në punë.
Shtesë – Të mirat e aftësive praktike (që i fitoni nga të mësuarit praktik):
Kamerierët ofrojnë ekperienca të shkëlqyera të ngrëni, npërmjet përkujdesit dhe shërbimit të shkëlqyer ndaj klientit. Në fakt, ata bëjnë shumë gjëra të tjera: ofrojnë informacione mbi menunë, servirin, marrin pagesat etj.
Është më e lehtë t’i listojmë disa prej këtyre përgjegjësive, kështu që shkojmë:
Kamerierët/kamerieret e mira kanë personalitete miqësore dhe shfaqin gatishmëri për të shërbyer dhe për të qenë të dobishëm për klientët. Shkathtësitë ndërpersonale dhe të shumë detyrave i ndihmojnë ata shumë.
Kamarieret/kamerieret zakonisht punojnë me kolegët dhe mund të raportojnë te një mbikëqyrës, në varësi të prizës së punës.
Qëndrueshmëria: Përgjegjësia Mjedisore
Qëndreshmëria është një përgjigje/qëndrim për krizën mjedisore që rritet dhe me të cilën përballemi sot. Ndonëse një concept jo tërësisht i ri, në dekadën e fundit, qëndrueshmëria ka treguar se është një vlerë e rëndësishme për kompanitë dhe kjo prirje do të bëhet veçse më e fuqishme në të ardhmen, me rregulla të gjelbra që kompanitë do të vendosin për veten dhe botën. Qëndrueshmëria ka tre shtylla: Mjedisi, Shoqëria dhe Ekonomia. Të ndërthurura dhe “të gjelbëruara” këto tre themele mund ta ndryshojnë të ardhmen tonë për mirë. Të gjithë duhet të bëjmë pjesën tonë! Kompanitë që aplikojnë qëndrueshmërinë ulin ndikimin negtiv në mjedis dhe ulin shpenzimet.
Larmishmëria (diversiteti), Paanësia dhe Gjithëpërfshirja: Një mjedis pune për të gjithë
Kompanitë duhet të krijojnë një mjedis pune të drejtë dhe gjithëpërfshirës për të gjithë punonjësit e tyre. Të gjithë duhet të ndihen të respektuar, të vlerësuar dhe të mbështetur. Me këtë, nënkuptojmë se kompanitë duhet të adresojnë të gjithë paragjykimet dhe favorizimet për të përmirësuar mjedisin e punës duke lartësuar barazinë. Asnjë punonjës nuk duhet të anashkalohet apo të përjashtohet nga një mundësi për shkak të rracës, gjinisë, orientimit seksual, apo besimit. LPGJ përkthehet në punonjës më të motivuar, krijues dhe inovativë.
Etika dhe Integriteti:
Etika dhe Integriteti janë shtyllat që ndërtojnë marrëdhënie besimi me klientët, furnitorët dhe aksionerët. Këto dy vlera qëndrojnë për standarde që mund t’i ndihmojnë kompanitë të ndërtojnë një imazh të mirë në publik si edhe reputacionin e “të bërit gjënë e duhur”.
Përgjegjësia shoqërore: Të kontribuosh për komunitetin.
Përgjegjësia shoqërore ka për qëllim adresimin e çështjeve shoqërore dhe sociale. Mbështetja e kauzave dhe kontribuimi për një shoqëri më të mirë janë vlera shumë të rëndësishme. Kompanitë do të rrisin pjesëmarrjen e tyre ne filantropi në të ardhmen. Nga kjo vijnë dy të mira kryesore. T’i japësh komunitetit rrit ndërgjegjen e brendit dhe besnikërinë e klientëve. Kompanitë tërheqin klientët që besojnë në të njëjtat vlera si to.
Inovacioni: Përqafimi i një mënyre të re të të bërit biznes
Kompanitë duhet të investojnë në hulumtimin dhe zhvillimin e teknologjive të reja dhe modeleve të reja të biznesit. Mejithëse konkurrenca është e madhe, inovacioni është çelësi për të kuptuar nevojat në ndyshim të klientëve dhe shoqërive. Inovacioni mund të krijojë mundësi të reja të panumërta dhe rrjedhje të të ardhurave.
