loading

Kursi i Zhvillimit Profesional në Programim, Java (Oracle)

Agjensia Kombëtare e Punësimit dhe Aftësive, në bashkëpunim me Oracle Academy, Ministrinë e Financave dhe Elite Academy, ka hapur aplikimet për kursin e formimit profesional “Java (Oracle)”.
Ky kurs paraqet një mundësi të shkëlqyer për formim, zhvillim dhe punësim.
Java është një nga gjuhët e programimit më të kërkuara në industri të ndryshme si financa, teknologjia, arsimi, shërbimet mjekësore dhe sektori qeveritar.

Mos humbisni këtë mundësi për të filluar karrierën tuaj në botën e programimit!

Java (Oracle) është i përshtatshëm për:

  • Individët që kanë përfunduar shkollën e mesme ose ciklin Bachelor në një nga degët në Matematikë dhe Informatikë.
  • Personat që janë në kërkim të punës.
  • Mundësi e shpejtë për punësim të menjëhershëm, përfshirë praktikën e paguar (për ata që kanë rezultate të larta).
  • Individët që dëshirojnë të zhvillojnë karrierën e tyre në fushën e programimit.
    Kursi fillon të henen, më datën 4 dhjetor 2023 dhe ka një afat prej 3 muajsh. Klasat do të zhvillohen pranë ambjenteve të Elite Academy.

Adresa: Rr. “Kozma Naska”, Nr: 33/6, Elbasan

Për të aplikuar, ju lutemi klikoni në linkun më poshtë:

https://hr.etg.al/Trainings/StudentApply/234

Subscribe to our newsletter.

Get our latest offers and News.

© 2021 Elite Academy | NUIS L03321203G | PIC No. 893625305 | Powered by Elite Coaching

Kthejeni vendin e punës në vendin tuaj të lumtur: 8 këshilla nga kolegët tanë.

Kur mendojmë për vendin tonë të lumtur, priremi të mendojmë për një kujtim, apo vend, që përgjithësisht lidhet me një ndjesi ku atmosfera, njerëzit dhe ajo që bëjmë janë më të mirat për ne. Por a e keni menduar se edhe vendi i punës mund të bëhet vendi juaj i lumtur?

Është mëse e natyrshme që puna të na shkaktojë stres dhe një ndjesi parehatie, por duke e kthyer atë në një vend të kënaqëshëm ku ta rrethojmë veten me ndjesi të mira nëpërmjet mënyrave të ndryshme, mund ta bëjë atë një burim të vërtetë copëzash lumturie. Mos harroni se lumturia në vendin e punës është përgjegjëse eshe për nivelet e rritura të përmbushjes dhe kënaqësisë në jetë, duke ndikuar edhe në stilin tuaj të jetës.

Ja çfarë sugjerojnë kolegët tanë:

Dëgjoni shumë muzikë

Një palë kufje janë gjithçka ju duhet për të ardhur në humor të mirë. Muzika ju ndihmon të përqendroheni, ju frymëzon dhe ju bën të lumtur. Kolegët tanë thonë se gjatë një detyre të vështirë, muzika i ndihmon të jenë të përqendruar dhe ia bën më të lehtë gjetjen e zgjidhjeve. Të dëgjosh artistin tënd të preferuar të jep gëzim. Një këshillë, njërin vesh mbajeni zbuluar, kështu nuk do të humbisni asnjë thirrje.

Ja çfarë po dëgjoj unë tani: Lana del Ray playlist.

Vendosni një sfond domethënës në kompjuterin ku punoni

Një sfond domethënës në kompjuterin tuaj mund t’ju sjellë në vete sa herë ju duket sikur nuk jeni në gjendje të vazhdoni. Një njeri i dashur, një qëllim, një dëshirë, pushimet e ëndrrave, mjaft të jetë një pamje që ju kujton arsyen pse punoni dhe pse e doni atë që bëni. Pamjet kanë fuqinë të na frymëzojnë, të na sjellin buzëqeshje. Sigurohuni që kompania ku punoni nuk ka asnjë rregull kundër kësaj.

Shkoni në punë me një mendësi pozitive

Të menduarit është gjysma e realitetit. Nuk i sillni asnjë dobi vetes nëse e nisni çdo ditë pune me një ndjesi të rëndë padurimi për tu kthyer në shtëpi. Punoni me veten tuaj për të pasur një mendësi pozitive. Në punë, ku është e sigurt se do të përballeni me situata të sikletshme dhe lodhëse, të qenit optimist ju ndihmon t’i kaloni sfidat më lehtë dhe rrit edhe prodhimtarinë tuaj.

Shfrytëzoni kohën e lirë për të kënaqur veten

Keni dhjetë minuta pushim? Hapni librin që po kaloni në duar në atë moment dhe lexoni pesë ose dhjetë faqe. Hapni kompjuterin dhe informohuni për një çështje që ju bën kureshtarë. Kur e kaloni kohën e lirë në mënyrë të frytshme, ndjeni më pak stres dhe ankth dhe vetvetiu nuk e shihni vendin apo procesin e punës me një spektër ngjyrash gri. Kolegët tanë rekomandojnë të lexoni, të dilni për të marrë ajër, apo për të biseduar.

Merrni ushqimin tuaj të preferuar në punë

Dashuria kalon nga stomaku. Kjo idiomë aksiomatike nuk përjashton as përvojën tuaj të punës. Paleta e shijeve të ushqimeve ndez tek ne ndjesitë e kënaqësisë, risjell kujtime dhe na kënaq. Pushimin e rradhës së drekës, ju sugjerojmë të merrni me vete një vakt të shëndetshëm, mundësisht të gatuar në shtëpi dhe që është sinonim i shijeve tuaja në ushqim.

Mbani një bllok kuriozitetesh (Blloku i kurioziteteve të Laurës)

Kolegia jonë Laura na prezanton me një ide origjinale që për të është shumë e frytshme. Ka shumë mundësi që në punë të mësoni gjëra të reja, interesante, të dobishme për jetën që keni jashtë punës, ndaj mbani një bllok kuriozitetesh ku mund të shënoni gjithçka nuk doni t’ju shpëtojë.

Ndonjëherë, pyet ChatGTP për një përgjigje të përqendruar dhe të saktë

Kur ju duhet një informacion i shpejtë, i përqendruar dhe relevant, drejtojuni ChatGTP, por mos bini në grackë. Puna juaj është puna juaj.

Mbusheni tavolinën e punës me gjëra që ju përfaqësojnë

Nëse stili minimalist nuk bën për ju, një tavolinë boshe është një tablo ideale për ta mbushur me gjëra që të përfaqësojnë. T’i jepni identitet hapësirës ku punoni ju bën të ndiheni rehat dhe të kënaqur.

Subscribe to our newsletter.

Get our latest offers and News.

© 2021 Elite Academy | NUIS L03321203G | PIC No. 893625305 | Powered by Elite Coaching

Pse duhet të mësoni sa më shumë nga kolegët në punën tuaj të parë? 4 të mira shpjeguar shkurtimisht.

Të fillosh një punë të re, të kujton shpesh ditën parë të shkollës dhe deri në momentin që përshtatesh je gjatë gjithë kohës i vëmendshëm për të mësuar sa më shumë që është e mundur. Kolegët e punës janë miqtë tuaj më të mirë në këtë rast.

Si në çdo mjedis, ne përpiqemi të mësojmë dhe ta bëjmë tonën mënyrën si bëhen gjërat, duke futur pak edhe nga vetja. Në punën tuaj të parë, duke marrë parasysh që nuk keni përvoja të mëparshme, të mësoni nga kolegët është një nga faktorët që do t’ju ndihmojnë më së shumti, do të kthehet padyshim edhe në kënaqësi.

Zhvilloni aftësi të reja

Kolegët tuaj dinë më shumë nga ju në lidhje me gjithçka ka të bëjë me punën. Ata kanë kaluar më shumë kohë se ju duke punuar dhe kanë zhvilluar aftësi që në një moment të caktuar do t’ju duhen edhe juve. Aftësitë që do t’ju mësojnë kolegët nuk kanë të bëjnë me çfarë keni mësuar në shkollë. Këto janë aftësi praktike që do t’ju vijnë në ndihmë kur të keni vogëlsira për të zgjidhur apo detyra që nuk presin dot gjatë.

Ndërtoni marrëdhënie

Kur kaloni kohë me kolegët tuaj mund të krijoni marrëdhënie të mira me to, të cilat mund të bëhen pjesë e arsyes për të qenë të lumtur dhe të kënaqur në vendin e punës. Të ndërtoni marrëdhënie me to, ju bën mirë për zhvillimin tuaj personal dhe profesional. Kolegët mund t’ju sigorjnë mbështetje dhe udhëzime.

Zgjeroni rrjetëzimin

Kolegët tuaj mund të kenë lidhje në industri që mund t’ju nevojiten në të ardhmen. Do të shihni nga afër se si menaxhohen takimet, eventet dhe si i qaseni njerëzve të rinj.

Mësoni mbi industrinë

Kolegët do t’ju ndihmojnë të krijoni perspektiva më të gjera mbi punën që bëni. Industria mund të mbajë sekrete që ju nuk i dini dhe kolegët mund të bëhen Virgjili juaj.

Subscribe to our newsletter.

Get our latest offers and News.

© 2021 Elite Academy | NUIS L03321203G | PIC No. 893625305 | Powered by Elite Coaching

Freelancing (Të punosh në mënyrë të pavarur)

Të punosh në mënyrë të pavarur, apo freelancing, është kthyer në një nga mënyrat më të përhapura të të punuarit kohët e fundit. Kush nuk do të donte të punonte sipas orareve më të përshtatshme për të, të zgjidhte projektet dhe punët që dëshiron të marë përsipër.

Çfarë është freelancing?

Freelancing është një mënyrë vetëpunësimi, ku individët ofrojnë aftësitë, shërbimet dhe ekspertizën e tyre në bazë të projekteve apo kërkesave ndaj tyre, faturuar me një çmim. Freelancers punojnë në mënyrë të pavarur dhe nuk janë të shtrënguar nga marrëdhënie afatgjata kontraktuale me një punëdhënës.

Freelancing është i përhapur në shumë industri, duke përfshirë (por jo duke limituar), krijim dhe shkrim përmbajtjeje, dizajn grafik, zhvillim uebi, fotografi, konsultime etj.

 

Pse freelancing është një mundësi joshëse?

Me zhvillimin e mëtejshëm të teknologjisë, freelancing bëhet një mundësi shumë e mirë për të punuar sipas kushteve dhe nevojave të veçanta që një individ mund të ketë. Të punuarit nga shtëpia, sipas orareve të tua dhe të jesh shefi i vetes.

Ja disa nga të mirat e freelancing:

Autonomia dhe fleksibiliteti: Freelancing ju lejon të krijoni oraret tuaja, të zgjidhni klientët dhe të krijoni një rutinë që i përshtatet stilit tuaj të jetesës. Mjaft që të këni internet. Gjithashtu, keni mundësi që të diskutoni kontratat, pagesat dhe projektet që dëshironi të bëni. Kjo ju lejon të jeni më krijues dhe më në kontroll të punës suaj.

Mundësitë e larmishme të punës dhe mundëisia për të fituar më mirë: freelancing lejon të punoni me projekte, klientë dhe gjeografi të ndryshme që do të çojnë në krijimin e një baze klientësh më të gjerë dhe një portofoli punësh më të larmishëm, gjë që sjell rritje profesionale. Fakti që freelancers i vendosin vetë tarifat e shërbimeve që ofrojnë dhe të negociojnë gjithçka në bazë të kërkesës, si dhe të punuarit me disa projekte në të njëjtën kohë, u jep atyre potencial për të fituar më shumë.

Të pasurit një karrierë fleksibël: nëse je freelancer, nuk i dihet kurrë se ç’rrjedhë mund të marrë karriera juaj. Zhvilloni aq shumë pasione njëkohësisht sa dinamikat mund t’ju çojnë atje ku doni.

 

Subscribe to our newsletter.

Get our latest offers and News.

© 2021 Elite Academy | NUIS L03321203G | PIC No. 893625305 | Powered by Elite Coaching

Të kuptuarit e tregut të punës

Nëse do ta përkthenim historikun e tregut të punës në një bosht kronologjik me momente me rëndësi të veçantë, tashmë ka një anno domini të ri, pa dashur të tingëllojmë provokues. Para dhe pas Covid-19, qëndrojnë tanimë si dy momente të ndryshme të situatës së tregut të punës. Me shumë vende pune të humbura, por edhe me shumë sektorë që kanë përjetuar një rritje të madhe të kërkesës për punë dhe kanë krijuar lehtësi të reja për punonjësit, nuk mund të themi se panorama është bardhë e zi.

Pandemia e Covid-19 e tjetërsoi tregun dhe kërkesën mbarëbotërore për punë në mënyra që nuk i kishim përfytyruar më parë, duke krijuar vështirësi, por edhe mënyra të reja të të menduarit dhe të kuptuarit të nevojave të njerëzimit në të ardhmen. Për fat të mirë, tregu i punës në të ardhmen, do të shfaqë prirje të ndjeshme për të qenë më i qëndrueshëm dhe i drejtuar drejt ekonomisë së gjelbërt. Përveç kësaj, ka dhe shumë ngjyra të tjera në tablonë e përtej 2023-it, për të cilat do të flasim në këtë artikull.

Të punuarit në distancë

Që nga 2020-a është shtuar në masë të punuarit në distancë dhe nuk është më problem për të krijuar orare të lëvizshme dhe të rehatshme për të gjitha palët. Teknologjia ka mundësuar të punuarit e rehatshëm larg zyrës. Natyrisht, kur punëdhënësit lëshojnë lajmërime për vende pune, është bërë praktikë që të jepen mundësi për të punuar në mënyra të ndryshme. Merrmëni si shembull mua, punoj dy ditë në zyrë dhe pjesën tjetër të javës nga shtëpia. Kjo quhet një mënyrë pune hibride. Në zyrë, nga shtëpia, hibrid, nuk ka mundësi të munguara!

Inteligjenca artificiale

Prirja e automatizimit dhe përfshirjes së inteligjencës artificiale në tregun e punës është një temë që polarizon dhe ngre pikëpyetje serioze për ekzistencën e shumë profesioneve dhe punëve në të ardhmen. IA dhe automatizimi pritet të zënë një vend të rëndësishëm në punët tona dhe ndonëse do të zëvendësojnë mjaft punonjës duke zhdukur disa profesione, do të krijojë punë të reja që do të kenë nevojë për punonjës dhe riaftësim.

Kërkesa për punonjës të shërbimit të kujdesit shëndetësor do të rritet

Shumë vende po përjetojnë prej disa kohësh dukurinë e plakjes së popullsisë. Këto vende janë në kërkim gjithnjë e më të madh të punonjësve të shërbimit të kujdesit shëndetësor, si doktorë, infermierë, mjekë dhe hulumtues. Kjo do të shoqërohet me kërkesë të rritur për arsimim dhe… e gjetët, vende të reja pune. Ekziston gjithashtu një dukuri tjetër interesante, ku këto vende me popullsi të plakur kërkojnë specialistë dhe profesionistë nga vende të tjera, duke lënë të hapur për interpretim ndikimin e saj në të ardhmen.

Punët e gjelbra do të mbizotërojnë kudo

Kthesa që shumë biznese, por edhe modele qeveritare kanë marrë drejt energjisë së ripërtëritshme dhe praktikave të qëndrueshmërisë ka kijuar një udhë të re që do të fuqizohet edhe më në të ardhmen. Për të mos krijuar hendek, kërkesa e punës në ndërtimin e gjlbër, energjinë e ripërtëritshme, inxhinierinë mjedisore, do të rritet ndjeshëm. Kjo prirje pritet të ketë efekte shumë të mira për përmirësimin e situatës së planetit.

Aftësitë e buta do të përjetojnë rritje në kërkesë

Për shkak të IA-së dhe automatizimit, punëdhënësit do të vlerësojnë edhe më shumë aftësitë e buta. Inteligjenca emocionale, aftësitë krijuese, përshtatja dhe shumë të tjera do të jenë prej më të kërkuarave.

Ekonomia e shërbimeve në kërkesë (gig economy) do të vazhdojë të rritet

Kjo degë e ekonomisë i përket punonjësve të pavarur që ofrojnë shërbime në bazë të asaj çfarë kërkohet. Platformat digjitale e kanë fuqizuar atë dhe shërbime të shumta janë kthyer me drejtim nga ekonomia e shërbimit në kërkesë prej një kohe të gjatë. Kërkesa për ndërveprime pune lehtësisht të lëvizshme, e ndihmon edhe më shumë këtë degë të ekonomisë.

Një përmbledhje

Ndonëse tregu i punës në terma afatshkurtër mbetet i paqënderueshëm dhe i paparashikueshëm, në terma afatgjatë industri dhe fusha të caktuara do të përjetojnë rritje dhe zhvillim. Duke marrë parasysh gjithë këto ndryshime, të gjithë punonjësit duhet të kenë parasysh aftësitë e kërkuara dhe rritjen profesionale.

Subscribe to our newsletter.

Get our latest offers and News.

© 2021 Elite Academy | NUIS L03321203G | PIC No. 893625305 | Powered by Elite Coaching

Aftësitë që po kërkojnë punëdhënësit në 2023

Bota është një maratonë e cila nuk mbaron dhe secili prej nesh garon për të mos humbur në vrundujt e saj. Dekadat në vijim, parashikohet të dëshmojnë një zhvillim të pashoq të teknologjisë dhe për kompanitë e bizneset kjo përkthehet në nevojë për punonjës me aftësi që kërkon tregu i punës, po të marrim parasysh se që nga koha e Covid-19 gjërat ecin me një ritëm tjetër.

Viti 2023 dhe vitet e tjera, do të shohin rritjen e kërkesës për reskilling dhe punëdhënësit do të shohin me kujdes për njerëz me aftësi që përmbushin nevojat e tyre. Në këtë artikull do të shohim cilat do të jenë aftësitë më të kërkuara nga kompanitë në 2023-in e në vijim.

Nevoja për aftësi të reja:

Duke qenë se po jetojmë në atë që shumë e quajnë si një periudhë të pasigurtë, mënyra për tu përballur me të në lidhje me punësimin është të dish cilat janë kërkesat.
Aftësitë më të kërkuara për 2023:
  1. Manaxhimi
  2. Komunikimi
  3. Shërbimi i klientit
  4. Lidershipi
  5. Shitjet
  6. Manaxhimi i projekteve
  7. Hulumtimi/kërkimi
  8. Aftësi analitike
  9. Marketing
  10. Puna në grup
Aftësitë e forta për 2023:
  1. Zhvillim faqeje web
  2. SQL –
*SQL (Structured Query Language) është një gjuhë programimi që përdoret për të bashkëvepruar me bazat e të dhënave.
  1. Financë
  2. Python –
*Python është një gjuhë programimi e nivelit të lartë që përdoret për një gamë të gjerë aplikacionesh, duke përfshirë zhvillimin e uebit, analizën e të dhënave, inteligjencën artificiale, llogaritjen shkencore dhe më shumë.
  1. Java
*Java është një gjuhë programimi e nivelit të lartë që përdoret për zhvillimin e një game të gjerë aplikacionesh, nga softuerët e desktopit deri te aplikacionet celulare dhe aplikacionet në ueb.
  1. Analizë të dhënash
  2. JavaScript
*JavaScript është një gjuhë programimi që përdoret për të krijuar faqe interneti dinamike dhe interaktive. Përdoret kryesisht për zhvillimin e faqes së përparme, që përfshin krijimin e ndërfaqeve të përdoruesit dhe shtimin e interaktivitetit në faqet e internetit.
  1. Cloud computing
*Cloud computing është një model për ofrimin e shërbimeve kompjuterike përmes internetit. Në vend të ruajtjes dhe përpunimit të të dhënave në kompjuterë ose serverë lokalë, kompjuteri në renë kompjuterike i lejon përdoruesit të aksesojnë burime të tilla si ruajtja, fuqia kompjuterike dhe aplikacionet sipas kërkesës nga qendrat e largëta të të dhënave.
  1. Operacionet
  2. Manaxhim i marrëdhënieve me klientin (CRM)
 
 
 

Subscribe to our newsletter.

Get our latest offers and News.

© 2021 Elite Academy | NUIS L03321203G | PIC No. 893625305 | Powered by Elite Coaching

Upskilling dhe Reskilling

Asgjë nuk është e sigurt! Tregu i punës dhe modelet ekonomike zhvillohen me një ritëm aq të shpejtë, sa munndësia për të dështuar është shumë e madhe. Zhvillimi i shpejtë i teknologjisë, ka krijuar pikëpyetje të mëdha për të ardhmen e shumë profesioneve.

Gjendur në një situatë të tillë, bizneset dhe kompanitë kanë kuptuar se për të pasur qëndrueshmëri dhe për të mos dështuar, e ardhmja i përket reskilling dhe upskilling. Duke qenë se shumë profesione do të transformohen, do të duhen aftësi të tjera dhe të reja, për t’i dalë mbanë!

Ku qëndron ndryshimi mes reskilling dhe upskilling?

Upskilling nënkupton trajnimin e punonjësve për përmirësimin dhe zhvillimin e aftësive ekzistuese.

Reskilling nënkupton përgatitjen e punonjësve për të pasur një rol të ri. Pozicionet e tyre mund të mos ekzistojnë më në të ardhmen, por bizneset mund të mos duan t’i zëvendësojnë, ndaj i trajnojnë punonjësit për të marrë një drejtim të ri.

 

Të mirat e Upskilling

Upskilling u jep mundësinë punonjësve të zhvillojnë karrierën e tyre profesionale. Ka punonjës që nuk duan të qëndrojnë brenda një kutie gjatë gjithë punës së tyre, ndaj upskilling u ofron atyre mundësinë për të mësuar. Gjithashtu, kur punonjësit shohin se biznesi po investon për rritjen e tyre, kjo mund të ndikojë tek produktiviteti dhe performanca e tyre.

Të mirat e Reskilling

Reskilling është investimi më i rëndësishëm i momentit për shumë biznese. Për të përballuar kërkesat e tregut, kompanitë duhet që të sigurohen se stafi i tyre është i përditësuar për të oeruar me ndryshimet moderne në ekonomi. Nëse nuk aplikohet reskilling, stafet nuk do të jenë në gjendje të kalojnë në pozicione të reja që kompania të funksionojë.

Subscribe to our newsletter.

Get our latest offers and News.

© 2021 Elite Academy | NUIS L03321203G | PIC No. 893625305 | Powered by Elite Coaching

Le të shohim disa nga pyetjet më të shpeshta për kamerierët dhe të ekplorojmë pak mbi punën e tyre.

 

 

Çfarë bën një kamerier/e?

Kamerierët ofrojnë ekperienca të shkëlqyera të ngrëni, npërmjet përkujdesit dhe shërbimit të shkëlqyer ndaj klientit. Në fakt, ata bëjnë shumë gjëra të tjera: ofrojnë informacione mbi menunë, servirin, marrin pagesat etj.

Cilat janë detyrat dhe/ose përgjegjësitë e një kamerieri?

Është më e lehtë t’i listojmë disa prej këtyre përgjegjësive, kështu që shkojmë:

  1. Përshëndetja (pritja) dhe shoqërimi i klientëve në tavolinat e tyre
  2. Paraqitja dhe sigurimi i informacionit rreth menusë (kur kërkohet)
  3. Përgatitja e tavolinave
  4. Marrja e porosive të sakta
  5. Dorëzimi i faturave dhe mbledhja e pagesave
Vini re se ka shumë shërbime të tjera që bën një kamarier/kameriere.

Çfarë kërkesash duhet të plotësojë një kamerier/e?

  1. Përvojë tjetër si kamarier/kameriere (varet sipas kërkesës së punëdhënësit)
  2. Vëmendje dhe durim
  3. Eksperiencë praktike me sisteme pune (arka, sistem informacioni për porositë, etj.)
  4. Aftësi efektive të komunikimit
  5. Dëgjim aktiv
  6. Aftësi prezantuese
  7. Diplomë e shkollës së mesme
  8. PLUS: Trajnime

Si të kuptoni se një kamarier/kamerier është i mirë?

Kamerierët/kamerieret e mira kanë personalitete miqësore dhe shfaqin gatishmëri për të shërbyer dhe për të qenë të dobishëm për klientët. Shkathtësitë ndërpersonale dhe të shumë detyrave i ndihmojnë ata shumë.

Me kë punon një kamarier/kameriere?

Kamarieret/kamerieret zakonisht punojnë me kolegët dhe mund të raportojnë te një mbikëqyrës, në varësi të prizës së punës.

 

Subscribe to our newsletter.

Get our latest offers and News.

© 2021 Elite Academy | NUIS L03321203G | PIC No. 893625305 | Powered by Elite Coaching

Bazat e AutoCAD

AutoCAD-i është një softuer dizajni kompjuterik me përdorim të gjerë në inxhinieri, arkitekturë dhe industrinë e ndërtimit për të krijuar dizajne 2D dhe 3D. në këtë artikull do të shpjegojmë disa informacione bazë rreth AutoCAD-it, disa funksione dhe përdorime.Bazat e AutoCAD
AutoCAD-i është një produkt i Autodesk, Inc., një kompani softuerësh që specializohet në krijimin e veglave për softuerë për industri të ndryshme. AutoCAD-i u hodh në treg për herë të parë në 1982 dhe që atëherë, është bërë standardi për softuerët e dizajneve kopjuterike (CAD).

Veçoritë e AutoCAD-it

AutoCAD ka një larmi veçorishë që e bëjnë një vegël të fuqishme dizajni dhe hartimi. Këtu përfshihen:

Hartim 2D: AutoCAD-i ju lejon të krijoni vizatime 2D me një shumëllojshmëri vijash, rrathësh, harqesh dhe poligonësh. Keni gjithashtu mundësi për të vënë tekst, dimensione dhe vizime.

Modelim 3D: AutoCadi-i ju lejon gjithashtu të krijoni modele 3D për dizajnet tuaja. Mund të krijoni modele 3D duke përdorur lloje të ndryshme veglash, si dalje, rrotullime, papafingo dhe fshirje.

Annotation: AutoCAD-i ka një larmi veglash për shënime, në mënyrë që të shtoni tekst, dimension apo simbole dizajnit tuaj. Mund të krijoni gjithashtu shënime të personalizuara duke përdorur blloqet dhe atributet.

Bashkëpunimi: AutoCAD-i ka veçori për të bashkëpunuar, përfshirë ndarjen e materialeve dhe veglat për bashkëpunim. Mund të kaloni gjithashtu materialet në formate të ndryshme: DWG, DXF dhe PDF.

Personalizimi: AutoCAD-i ju mundëson të personalizoni ndërfaqen, veglat dhe komandat për t’ju përshtatur nevojave tuaja. Mund të krijoni menu, paleta veglash etj.

 

Përdorime të AutoCAD-it

AutoCAD-i përdoret në shumë industri. Disa prej përdorimeve më të shpeshta janë:

  1. Arkitekturë: përdoret gjerësisht në arkitekturë për të krijuar plane katesh, ngritjesh dhe sektorësh ndërtimi.
  2. Inxhinieri: përdoret në inxhinieri për të krijuar vizatime të detajuara të bashkëpërbërësve mekanikë dhe elektrikë.
  3. Ndërtim: përdoret për të krijuar plane për ndërtesa dhe struktura.
  4. Prodhim: përdoret për të ndërtuar modele të detjuara 3D të produkteve.
  5. Dizajn i brendshëm: përdoret për të krijuar plane për orenditë etj.

Subscribe to our newsletter.

Get our latest offers and News.

© 2021 Elite Academy | NUIS L03321203G | PIC No. 893625305 | Powered by Elite Coaching

Të mirat e aftësive të buta

Kemi folur edhe më parë për aftësitë e buta, por në këtë artikull do të flasim për të mirat e tyre në vendin e punës, pse ju vlejnë dhe si mund t’i përmirësoni ato.

Si ju ndihmojnë aftësitë e buta në punë:

Ju bëjnë punonjës afatgjatë

Aftësitë e buta janë prej tipareve kryesore që punëdhënësit shohin për punonjës të mundshëm. Njerëzit me aftësi të buta në komunikim, zgjidhje konfliktesh dhe motivim kanë gjithmonë një përparësi në intervistën e punës.

Këshillë: komunikoni shpesh me kolegët tuaj, praktikoni vetpërmbajtjen dhe analizoni situatat në mënyrë të qetë.Të mirat e aftësive të buta

Ndihmojnë në ruajtjen e marrëdhënieve të mira

Empatia dhe inteligjenca emocionale janë aftësi të buta që ju ndihmojnë t’i shihni situatat dhe problemet me sytë e të tjerëve. Ndjeshmëria ndaj të tjerëve dhe çfarë ato mund të jenë duke kaluar ushqen marrëdhënie më të shëndetshme dhe e bën më të lehtë ndërveprimin me dikë që ju nuk shkoni mirë. Gjithashtu, këto dy aftësi të buta ndihmojnë edhe në përmirësimin e punës në grup.

Këshillë: lexoni mbi inteligjencën emocionale dhe empatinë.

Puna në grup

Puna në grup është një praktikë e zakonshme pune, në të cilën dëgjimi aktiv dhe fleksibiliteti ju ndihmojnë të jeni më të frytshëm.

Ju bëjnë punonjës të çmueshëm dhe të besueshëm

Punëdhënësit vlerësojnë jashtëzakonisht integritetin dhe etikën e punës. Ata nuk kanë nevojë për fjalë, por për punonjës që të mbajnë përgjegjësi kur puna e tyre ka sukses ashtu edhe kur dështon. Gjithashtu, punonjësit që tregohen motivues, shfaqin prirje për të marrë përsipër nisma. Asgjë nuk është më e rëndësishme se sa ju t’i dilni për zot punës dhe ideve tuaja.

Këshillë: lexoni mbi dëgjimin aktiv dhe atësohuni mbi teknikat.

Ndikojnë në rritjen e rrjetëzimit tuaj

Punonjësit me aftësi të buta kanë një prirje për të qenë kureshtarë dhe tregojnë dëshirë të provojnë mundësi të ndryshme për të zhvilluar karrierën. Do të vlerësoheni edhe më shumë në punën tuaj nëse njohjet tuaja i shërbejnë asaj.

Ndikon në rritjen profesionale:

Kur ju pranoni dhe zbatoni përshtypjet dhe reagimet konstruktive (feedback-un), ndihmoni veten për të përmirësuar aftësitë tuaja.

Parandalon ngatërresat dhe rrëmujën

Nuk do të futeni thuajse asnjëherë në telashe nëse ndërthurni aftësitë tuaja organizative me komunikimin.

Këshillë: përdorni një planifikues (planner, journal)

Tregojnë se keni aftësi lideri dhe rrisin performancën tuaj

Aftësitë e buta si përshtatja dhe vendosmëria ju bëjnë të shihni më qartë mundësitë e zhvillimit. Aftësitë e buta ju ndihmojnë të lartësoni imazhin tuaj, pasi ato ju bëjnë punonjës më të mirë, asete për mjedisin tuaj të punës.

Subscribe to our newsletter.

Get our latest offers and News.

© 2021 Elite Academy | NUIS L03321203G | PIC No. 893625305 | Powered by Elite Coaching

Kursi i Zhvillimit Profesional në Programim, Java (Oracle)

Agjensia Kombëtare e Punësimit dhe Aftësive, në bashkëpunim me Oracle Academy, Ministrinë e Financave dhe Elite Academy, ka hapur aplikimet për kursin e formimit profesional “Java (Oracle)”. Ky kurs paraqet një mundësi të shkëlqyer për formim, zhvillim dhe punësim. Java është një nga gjuhët e programimit më të kërkuara në industri të ndryshme si financa, […]

Read More…

Kthejeni vendin e punës në vendin tuaj të lumtur: 8 këshilla nga kolegët tanë.

Kur mendojmë për vendin tonë të lumtur, priremi të mendojmë për një kujtim, apo vend, që përgjithësisht lidhet me një ndjesi ku atmosfera, njerëzit dhe ajo që bëjmë janë më të mirat për ne. Por a e keni menduar se edhe vendi i punës mund të bëhet vendi juaj i lumtur? Është mëse e natyrshme […]

Read More…

Pse duhet të mësoni sa më shumë nga kolegët në punën tuaj të parë? 4 të mira shpjeguar shkurtimisht.

Të fillosh një punë të re, të kujton shpesh ditën parë të shkollës dhe deri në momentin që përshtatesh je gjatë gjithë kohës i vëmendshëm për të mësuar sa më shumë që është e mundur. Kolegët e punës janë miqtë tuaj më të mirë në këtë rast. Si në çdo mjedis, ne përpiqemi të mësojmë […]

Read More…

Freelancing (Të punosh në mënyrë të pavarur)

Të punosh në mënyrë të pavarur, apo freelancing, është kthyer në një nga mënyrat më të përhapura të të punuarit kohët e fundit. Kush nuk do të donte të punonte sipas orareve më të përshtatshme për të, të zgjidhte projektet dhe punët që dëshiron të marë përsipër. Çfarë është freelancing? Freelancing është një mënyrë vetëpunësimi, […]

Read More…

Aftësitë që po kërkojnë punëdhënësit në 2023

Bota është një maratonë e cila nuk mbaron dhe secili prej nesh garon për të mos humbur në vrundujt e saj. Dekadat në vijim, parashikohet të dëshmojnë një zhvillim të pashoq të teknologjisë dhe për kompanitë e bizneset kjo përkthehet në nevojë për punonjës me aftësi që kërkon tregu i punës, po të marrim parasysh […]

Read More…

Le të shohim disa nga pyetjet më të shpeshta për kamerierët dhe të ekplorojmë pak mbi punën e tyre.

  Çfarë bën një kamerier/e? Kamerierët ofrojnë ekperienca të shkëlqyera të ngrëni, npërmjet përkujdesit dhe shërbimit të shkëlqyer ndaj klientit. Në fakt, ata bëjnë shumë gjëra të tjera: ofrojnë informacione mbi menunë, servirin, marrin pagesat etj. Cilat janë detyrat dhe/ose përgjegjësitë e një kamerieri? Është më e lehtë t’i listojmë disa prej këtyre përgjegjësive, kështu […]

Read More…

Bazat e AutoCAD

AutoCAD-i është një softuer dizajni kompjuterik me përdorim të gjerë në inxhinieri, arkitekturë dhe industrinë e ndërtimit për të krijuar dizajne 2D dhe 3D. në këtë artikull do të shpjegojmë disa informacione bazë rreth AutoCAD-it, disa funksione dhe përdorime.Bazat e AutoCAD AutoCAD-i është një produkt i Autodesk, Inc., një kompani softuerësh që specializohet në krijimin […]

Read More…