Login/Sign Up

loading

Freelancing (Të punosh në mënyrë të pavarur)

Të punosh në mënyrë të pavarur, apo freelancing, është kthyer në një nga mënyrat më të përhapura të të punuarit kohët e fundit. Kush nuk do të donte të punonte sipas orareve më të përshtatshme për të, të zgjidhte projektet dhe punët që dëshiron të marë përsipër.

Çfarë është freelancing?

Freelancing është një mënyrë vetëpunësimi, ku individët ofrojnë aftësitë, shërbimet dhe ekspertizën e tyre në bazë të projekteve apo kërkesave ndaj tyre, faturuar me një çmim. Freelancers punojnë në mënyrë të pavarur dhe nuk janë të shtrënguar nga marrëdhënie afatgjata kontraktuale me një punëdhënës.

Freelancing është i përhapur në shumë industri, duke përfshirë (por jo duke limituar), krijim dhe shkrim përmbajtjeje, dizajn grafik, zhvillim uebi, fotografi, konsultime etj.

 

Pse freelancing është një mundësi joshëse?

Me zhvillimin e mëtejshëm të teknologjisë, freelancing bëhet një mundësi shumë e mirë për të punuar sipas kushteve dhe nevojave të veçanta që një individ mund të ketë. Të punuarit nga shtëpia, sipas orareve të tua dhe të jesh shefi i vetes.

Ja disa nga të mirat e freelancing:

Autonomia dhe fleksibiliteti: Freelancing ju lejon të krijoni oraret tuaja, të zgjidhni klientët dhe të krijoni një rutinë që i përshtatet stilit tuaj të jetesës. Mjaft që të këni internet. Gjithashtu, keni mundësi që të diskutoni kontratat, pagesat dhe projektet që dëshironi të bëni. Kjo ju lejon të jeni më krijues dhe më në kontroll të punës suaj.

Mundësitë e larmishme të punës dhe mundëisia për të fituar më mirë: freelancing lejon të punoni me projekte, klientë dhe gjeografi të ndryshme që do të çojnë në krijimin e një baze klientësh më të gjerë dhe një portofoli punësh më të larmishëm, gjë që sjell rritje profesionale. Fakti që freelancers i vendosin vetë tarifat e shërbimeve që ofrojnë dhe të negociojnë gjithçka në bazë të kërkesës, si dhe të punuarit me disa projekte në të njëjtën kohë, u jep atyre potencial për të fituar më shumë.

Të pasurit një karrierë fleksibël: nëse je freelancer, nuk i dihet kurrë se ç’rrjedhë mund të marrë karriera juaj. Zhvilloni aq shumë pasione njëkohësisht sa dinamikat mund t’ju çojnë atje ku doni.

 

BACK TO BLOG PAGE

Subscribe to our newsletter.

Get our latest offers and News.

Short Links

Contact Info

  • learn@etg.al
  • +355 54 710 024
  • Rr. "Kozma Naska", Nr: 33/6, Elbasan 3001, Albania

Follow Us

Facebook Twitter Instagram Youtube Linkedin Pinterest Tiktok
© 2021 Elite Academy | NUIS L03321203G | PIC No. 893625305 | Powered by Elite Coaching

Asistentët e dëgjimit në set: zëri i produksioneve tuaja të parapëlqyera

Nga vetë emri, besojmë është e kuptueshme që asistentët e zërit, janë ata që ndihmojnë që zëri të dëgjohet sa më mirë të jetë  e mundur. Pa u zgjatur shumë, le të shohim konkretisht me çfarë meret një asistent zëri dhe çfarë cilësish duhet të kete.

Ç’bëjnë asistentët e zërit?

Asistentët e zërit meren përgjithësisht me asistimin e regjistruesve të zërit në prodhime filmike dhe televizive. Ata duhet të sigurohen që çdo gjë shkon mirë dhe në mënyrë të sigurt. Ndonëse detyrat e tyre janë të ndryshme, gjëja më e zakonshme që bën një asistent zëri, është ngarkimi dhe shkarkimi i pajimeve për regjistrimin e zërit në setet e filmimit/regjistrimit apo aty ku punohet.  Vendosin mikrofonat, dhe shtrijnë kabllot në vende të sigurta dhe strategjike.Asistentët e dëgjimit në set

Detyrat e tyre mund të varen edhe nga vjetërsia e punës. Asistentët e rinj mund të ndërrojnë bateritë, të sigurojnë kabllot, ose të bëjnë kafe dhe çaj, kurse asistentëve me më shumë përvojë mund tu kërkohet të monitorojnë edhe procesin e regjistrimit të zërit.

Nëse ka probleme me zhurmat e padëshiruara, asistentët e zërit duhet të zgjidhin shpejt dhe në mënyrë efektive problemin, në mënyrë që procesi i regjistrimit të mos shqetësohet. Në përfundim të procesit ata duhet të inventarizojnë të gjithë pajimet dhe të sigurohen se asgjë nuk mungon.

Cilësi dhe kritere:

  1. Njohuri shum të mira teknike
  2. Vëmendje ndaj detajeve
  3. Shkathësi
  4. Aftësi të mira perceptimi
  5. Siguria dhe shëndeti
  6. Komunikimi
BACK TO BLOG PAGE

Subscribe to our newsletter.

Get our latest offers and News.

Short Links

Contact Info

  • learn@etg.al
  • +355 54 710 024
  • Rr. "Kozma Naska", Nr: 33/6, Elbasan 3001, Albania

Follow Us

Facebook Twitter Instagram Youtube Linkedin Pinterest Tiktok
© 2021 Elite Academy | NUIS L03321203G | PIC No. 893625305 | Powered by Elite Coaching

Shoferi i transfertës: ju çon në destinacion në kohë, të sigurtë dhe rehat.

Ndonëse shumë prej e shohin transportin nga një pikë në një tjetër si një shërbim dhe shpeshherë edhe si luks, duhet të mos harrojmë se ky është një profesion i mirëfilltë. Në këtë blog do të shqyrtojmë se ç’bën një shofer transferte, çfarë kualifikimesh ka dhe pse parapëlqehet kaq shumë.

Cili është roli i shoferit të transfertës dhe ç’bën ai?

Shoferi i transfertës është një individ i kualifikuar dhe i punësuar nga një agjenci udhëtimi, detyra e vetme e të cilit është të çojë në kohë, në mënyrë të sigurt dhe profesionale një turist, ose një grup turistësh nga një destinacion në në tjetër. Kujdes, nuk duhet ta ngatërroni një shofer transferte me një through guide, i cili është një person që përpos guidës, luan edhe rolin  e shoferit.

Kritere dhe kualifikime:

▪️ Standarti i komunikimit dhe shërbimit ndaj klientit.

▪️ Etika në sjellje, uniforma, higjena dhe pastërtia personale dhe e automjetit.

▪️ Aplikacionet, orientimi, ndjekja me saktësi e rrugëve, parking hartave dhe udhëzimeve.

▪️ Aftësia e komunikimit me koleget, dokumentacioni, raportet dhe aplikacionet për menaxhimin e shërbimit.

▪️ Aplikacionet, orientimi, ndjekja me saktësi e rrugëve, parking hartave dhe udhëzimeve.

▪️ Rregulloret dhe standardet kombëtare dhe ndërkombëtare të sigurisë.

Pse parapëlqehet:

Pikë së pari, shoferët e transfertës janë idelaë për grupe me familjarë, apo shumë njerëz. Askush nuk ka dëshirë të presë në trafik, apo të harxhojë kohë të vlefshme duke u përpjekur të prenotojë një shërbim taxi.

Nga ana tjetër, një shofer transferte vjen me një plan të mirëorganizuar, duke i bërë thuajse të pamundura vonesat e mundshme, ideal edhe për udhëtimet me qëllime biznesi.

Një tjetër anë e mirë është fakti se ky është një lloj shërbimi i dedikuar tërësisht klientit, me mundësi përshtatjeje sipas nevojave dhe kërkesave të klientëve. Qetësia, rehatia dhe siguria janë të garantuara.

BACK TO BLOG PAGE

Subscribe to our newsletter.

Get our latest offers and News.

Short Links

Contact Info

  • learn@etg.al
  • +355 54 710 024
  • Rr. "Kozma Naska", Nr: 33/6, Elbasan 3001, Albania

Follow Us

Facebook Twitter Instagram Youtube Linkedin Pinterest Tiktok
© 2021 Elite Academy | NUIS L03321203G | PIC No. 893625305 | Powered by Elite Coaching

Seti filmik krijon atmosferën për një produksion krijues të shkëlqyer

Nëse keni dashur ndonjëherë të jetoni në vendodhjen e filmit apo serialit tuaj të preferuar, na vjen keq t’ju zhgënjejmë, por ç’ka dëshironi në të shumtën e herevë nuk është veçse një dhomë me tre mure. Gjithsesi, na duhet ta pranojmë se jo rrallë herë kemi mbetur pa fjalë dhe kemi admiruar dhomën e personazhit kryesor, një mobilie në dhomën e ndenjes, ose na ka pëlqyer marrëzisht atmosfera dhe gjendja që krijon ambienti ku zhvillohen ngjarjet.

Ka një fushë të rëndësishme në botën e prodhimeve kinematografike dhe televizive që krijon botën që imagjinon regjisori dhe ndihmon në krijimin e elementëve shumë të rëndësishme për të përçuar si duhet botën e asaj që shfaqet në ekran. Krijimi i seteve filmike kombinon aftësitë krijuese me shestimin e përpiluar për të kthyer fantazinë në realitet.Seti filmik

Pse krijimi i seteve filmike është i rëndësishëm:

Nëse loja e aktorëve është shkalla më e lartë që i jep emër dhe sukses të vërtetë një prodhimi, setet filmike janë aksesori kryesor që shoqëron prodhimin dhe krijon idenë e përgjithshme estetike mbi të. Një set filmik i ndërtuar jo mirë mund të krijojë idenë se buxheti mund të ketë qenë i vogël, puna jo profesionale dhe se krijimi nuk ia vlen të shihet.  Të tjera prodhime, me sete filmike të ndërtuara mirë dhe të bazuara në skenarin, gjendjen dhe atmosferën që kërkon të përçojë krijimi marin një pamje të plotë dhe e bëjnë punën si duhet. Tetari, televizioni dhe kinematografia mbështeten mbi të për të krijuar një dimension unik, ku gjithçka shkon më së miri dhe dhe elementët krijues lidhen si duhet. Në rastë të caktuara setet filmike marrin vëmendje njëlloj me aktorët dhe historinë: korridori tek “The shining”, bota e avatarit tek “Avatar”, apo thuajse çdo vendodhje ngjarjesh tek “The Game of Thrones”, janë disa nga shembujt më të mirë të seteve filmike gjeniale që i kanë ngecur këto prodhime filmike në histori.

 

Krijimi i setit filmik:

Krijimi seteve filmike është krijimi në mënyrë artificiale i pamjeve të përshtatshme për tu filmuar nga kamera. Drejtortët artistikë dhe regjisorët janë ata që bashkëpunojnë me dizajnerët e seteve filmike për të krijuar sete filmike që në thelb janë botë në miniaturë që i përshtaten historisë dhe personazheve. Është shumë e rëndësishme që këto sete të mos jenë një detyrim që bëhet sa për tu bërë, por të ideohen dhe krijohen me kujdes dhe vëmendje ndaj detajeve.

Planifikimi i krijimit të seteve filmike dhe studimi i skenarit:

Hapi i parë për të ndërtuar një set filmik është planifikimii i tij dhe kjo nuk mund të arrihet nëse pikë së pari krijuesi nuk lexon dhe analizon skenarin.

Skenarët përmbajnë informacion të rëndësishëm mbi historinë që do të tregohet, personazhet dhe linjën e ngjarjeve. Është e mira që të nxirren shënime të detajuara nga skenari. Këto shënime duhet të kenë të bëjnë me:

  1. Vendosjen e ngjarjeve – koha e zhvillimit, vendi/et, atmosfera
  2. Rekuizitën e nevojshme në sfond
  3. Gjendje e përcjellë (humor ii përgjithshëm) – do të ndikojë më pas në zgjedhjen e paletës së ngjyrave
  4. Madhësinë e setit – nëse ka shumë aktorë dhe seti është shumë i vogël filmimi do të jetë shumë i sikletshëm, kurse po të jetë një set i madh me pak aktorë, këta të fundit do të përpihen nga boshllëku
  5. A duhet të ndërtohet nga fillimi apo mund të ndërtohet mbi një set të mëparshëm filmik.

Përfshirja e ideve dhe plotësimi i kërkesave të regjisorit:

Duke qenë se e gjithë ideja e krijimit është në mendjen e regjisorit, një krijues i setit filmik duhet të bashkëveprojë me regjisorin për të përmbushur idetë e tij/saj. Gjatë këtij procesi, regjisori duhet të pyetet mbi tonet, atmosferën dhe tematikat, paletën e ngjyrave, buxhetin dhe rekuizitë shtesë që nuk përmendet në skenar.

Krijimi i një modeli paraprak:

Për të kuptuar se si do të duket seti filmik, duhet që të krijohet paraprakisht një model. Ka disa mënyra për ta bërë këtë:

  1. Kolazhet me foto: duke hulumtuar dhe studiuar foto dhe pamje të ndryshme, mund të krijohet një kolazh me foto ambientesh, rekuizitash dhe ngjyrash që krijuesi i setit i shikon të përafërta me idenë e tij.
  2. Skicimi: kjo mënyrë kërkon skicimin e një vizatimi arkitekturor që tregon se si do të duket seti. Për të bërë këtë kërkohet një plan i përgjithshëm, imazhe të shallëzuara dhe imazheri skenike.
  3. Frymëzimi nga prodhime të tjera: duke u ndikuar dhe marrë frymëzim nga sete filmike të prodhimeve të tjera, mund të krijohet një ide e përgjithshme se si do të duket seti dhe mund të tërhiqen fije paralele mes asaj se ç’është bërë më parë dhe ç’mund të bëhet për ta tejkaluar.

Të ndërtosh nga hiçi apo të shndërrosh:

Ky vendim është më i rëndësishmi kur bëhet fjalë për ndërtimin e një seti filmik, pasi do të ndikojë tek buxheti, filmimi dhe procesi në tërësi. Të dyja mundësitë kanë të mirat e tyre, si dhe anët jo shumë të mira. Një vendim i tillë merret thuajse gjithmonë bashkë me regjisorin.

Të ndërtosh një set filmik nga hiçi: të ndërtosh një set filmik nga fillimi të jep dorë të lirë në procesin e dizajnimit. Zakonisht ndërtohet një dhomë me tre mure, brenda vendoset rekuizita e nevojshme. Ekipi i filmimit përdor më pas hapësirën e hapur të murit të katërt për të filmuar. Ndonëse ky proces është i lirshëm, kushton shumë dhe kërkon kohë për tu përsosur.

Të filmosh në vendodhje: këtu kemi të bëjmë me shndërrimin e një vendohjeje ekzistuese në një set filmik. Kushton më lirë dhe bëhet më shpejt, por duhet të siguroheni që keni lejen për të filmuar dhe që seti nuk do të preket ndërkohë që nuk filmohet. Gjithashtu duhet të siguroheni që të gjithë dhe gjithçka mund të vendoset në set.

Krijimi i planit të buxhetit:

Është thelbësore që të krijohet një buxhet. Nuk ësht e këndëshme dhe as profesionale që në mes të ndërtimit paratë të mbarojnë dhe të mos keni mundësi të plotësoni setin me rekuizitë të nevojshme apo detaje që sjellin ndryshimin.

BACK TO BLOG PAGE

Subscribe to our newsletter.

Get our latest offers and News.

Short Links

Contact Info

  • learn@etg.al
  • +355 54 710 024
  • Rr. "Kozma Naska", Nr: 33/6, Elbasan 3001, Albania

Follow Us

Facebook Twitter Instagram Youtube Linkedin Pinterest Tiktok
© 2021 Elite Academy | NUIS L03321203G | PIC No. 893625305 | Powered by Elite Coaching

Elektricistët në set: Le të ketë dritë!

Ekrani magjik i kinemasë mbetet edhe sot një ndër format më të parapëlqyera të arratisjes në një botë ku historia, estetika dhe mesazhi shkrihen në një. Meryl Streep ka thënë një herë se në fillimet e saj, dikush i tha: “A e sheh shenjën në dysheme? Nëse qëndron mbi të, do të të kapë drita e ndoshta do ia dalësh të shafqesh në film.”
Ka një ekip të veçantë në botën e prodhimeve kinematogrfike dhe televizive, pa të cilët nuk mund të fillojë aksioni. Këta janë elektricistët e seteve filmike, të cilët kujdesen që asnjë cep i fytyrës së aktorit/es suaj të preferuar të mos mbesë i errët në kuadratin e kamerave.Elektricistët në set

Ç’bëjnë elektricistët e seteve filmike?

Elektricistët e seteve filmike kanë një të mirë: detyra e tyre është e mirëpërcaktuar. Ata kujdesen për pajimet dhe ndriçimin elektrik në një set filmimi apo në vendodhje. Tingëllon e lehtë, apo jo? Epo, edhe elektricistët e seteve, duhet të përballen me disa “sfida”.

 

Më shumë në lidhje me elektricistët e setit:

Ekipi i këtyre elektricistëve ka një kryeelektricist (gaffer), i cili manaxhon dhe drejton gjithë procesin e punës, aty ku filmohet. Ndër të tjera, elektricistët e setit duhet të sigurohen që të gjithë departamentet janë të fuqizuara dhe duhet të merren me rregullimin e ndriçimit për çdo set filmik. Ata duhet të jenë të disponueshëm dhe duhet të përshtaten mirë, pasi çdo kryeelektricist ka mëyrën e vet të punës dhe mund të kërkojë të punojë në një mënyrë specifike. Disa mund të kërkojnë të qëndrosh me ta në set gjatë gjithë kohës, të tjerë duan që vetëm ndihmësit e tyre të qëndrojnë dhe të tjerët të asistojnë duke sjellë pajimë sipas nevojës.

Pse është ndriçimi në një set filmik kaq i rëndësishëm?

Ndriçimi komunikon me spektatorin dhe krijon atmosferë, gjendje, duke kontribuar në përjetimin artistik të shikuesit. Ndriçimi është një mjet i fuqishëm për të vokuar ndjenjë brena shikuesit. Ai mund të zbusë, ose mund të forcojë tiparet që shafqen në ekran, jo vetëm ndihmon në realizimin e një produkti të bukur estetik, por edhe në zhvillimin e një ideje dhe mesazhi. Ndriçimi ndihmon gjithashtu në zhvillimin e personazheve, pasi lloje të ndryshme ndriçimi lidhen me cilësi të caktuara që ne i atribuojmë personazheve.

BACK TO BLOG PAGE

Subscribe to our newsletter.

Get our latest offers and News.

Short Links

Contact Info

  • learn@etg.al
  • +355 54 710 024
  • Rr. "Kozma Naska", Nr: 33/6, Elbasan 3001, Albania

Follow Us

Facebook Twitter Instagram Youtube Linkedin Pinterest Tiktok
© 2021 Elite Academy | NUIS L03321203G | PIC No. 893625305 | Powered by Elite Coaching

Përgjegjës Financash

Një rol me shumë elementë dhe me përgjegjësi të lartë

Përgjegjës Financash është ai që ndihmon kompanitë me mbarëvajtjen e financave të tyre në mënyrë që të arrijnë objektivat e vendosur. Çdo objektiv mund të arrihet ma anë të dikujt i cili ka njohuri mbi fushën duke u bazuar në ndërtimin startegjive dhe raporteve financiare. Detyrat kryesore përfshijnë raportin e veprimtarive buxhetore, parashikimin financiar, monitorimin e llogarive, dhe krijimin e hapësirave për qëndrueshmërinë dhe uljen e shpenzimeve.

Çfarë pune bën një Përgjegjës Financash?

Përgjegjësi i Financave punon ngushtë me departamentin e menaxhimit dhe me atë ekzekutiv. Bashkarisht, ata krijojnë plane për qëndueshmërinë financiare dhe marrin vendime strategjike rreth investimeve të një organizate. Ata gjithashtu vëzhgojnë zhvillimet e tregut dhe analizojnë për mundësi financiare duke vlerësuar nëse strategjitë financiare, vendimarrjet ose investimet janë në interes të kompanisë.

Le të shikojmë disa detyra kryesore.

  • Menaxhim i përgjithshëm
  1. Mirmbajtja e sistemit të dokumentimit të rregulloreve dhe praktikave të kontabilitetit
  2. Menaxhimi i funksioneve të nën-kontratave
  3. Mbikëqyrje e departamentit të thesarit dhe operacionet e tij, duke përfshirë hartimin e një strategjie të përshtatshme për arritjen e qëllimeve dhe objektivave të vendosura
  • Menaxhim Fondesh
  1. Menaxhim buxhetin e kompanisë për t’u siguruar që ka shumë monetare të mjaftueshme për të mbuluar nevojat e vazhdueshme operative dhe ato të investimeve kapitale
  2. Parashikon fluksin e parasë, nevojat e lidhura me huamarrjen dhe fondet e mundshme për investime
  3. Analizon dhe zbulon mënyra për të reduktuar rreziqet financiare që lidhen me normat e interesit të huamarrjes dhe tregun e këmbimit valutor
  4. Ndihmon në zgjedhjen e strukturave të përshtatshme të kapitalit
  5. Planifikon stokun dhe financimin e kredisë
  6. Mban kontaktet bankare
  7. Vëzhgon Fondet e investimit
  • Analizë Financiare
  1. Kryen analizat e reduktimit të kostos në të gjitha pjesët e organizatës
  2. Angazhohet në kërkime krahasuese për të krijuar mundësi për përmirësime operacionale
  3. Raporton çështjet kryesore në lidhje me performancën e konkurrentëve
  4. Interpreton rezultatet financiare dhe këshillon mbi strategjitë e përmirësimit
  5. Angazhohet në operacionin e ndërtimit të çmimit të produktit sipas hallkave të planifikuara
  6. Ndihmon në procesin e vendosjes së çmimit të produktit
  7. Raporton të dhënat matëse të biznesit tek menaxhmenti
  8. Menaxhon proceset e buxhetimit kapital që bazohen në analizën e kufizimeve dhe analizën e fluksit monetar
  9. Krijon i analizave dhe raporteve të tjera sipas kërkesave
  • Kontabilitet
  1. Menaxhon i buxhetin e kompanisë dhe rregullimet e tij
  2. Raporton gjithçka rreth bixhetit vendosur
  3. Ndihmon në krijimin e drejtimeve të përgjithshme strategjike
  4. Rekomandon për politikën e kreditimit të korporatave

Kualifikimi që kërkohet

Përgjegjësi i finacave duhet të ketë diplomë bachelor në financë dhe kontabilitet. Gjithashtu, shumica e kompanive botërore këkrojnë që një drejtor fincash të ketë pese ose më shumë vite eksperiencë. Përveç këtyre, të paturit aftësi të shkëlqyeshme komunikuese është thelbësor dhe kandidatët duhet të jenë ekspertë në sistemet elektronike të kontabilitetit.

>> Shikoni kursin tonë këtu!

Listë kualifikimesh

    • Diplomë BS e avancuar në Financë ose Kontabilitet.
    • Minimumi 5-7 vite përvojë të fushës
    • 5+ vite përvojë e kombinuar në Kontabilitet/Financë/Sisteme Financiare
    • Aftësia për të menaxhuar prioritete të shumta në një mjedis pune me ritme të shpejta
    • Vetë orientim drejt shërbimit ndaj klientit bashkë me aftësitë drejtuese
    • Përdorimi i avancuar i MS Office Suite, aftësia për të mësuar shpejt aplikacione të ndryshme softuerike të brendshme
    • Aftësi të forta analitike

Përvojë dhe aftësitë e vlefshme

    • Aftësi të shkëlqyeshme komunikuese
    • Arsim në hoteleri ose fusha të ngjashme
    • Përvojë në menaxhimin e rezervimeve ose të zyrës me volum të lartë thirrjesh
    • Shërbim i fortë ndaj klientit dhe aftësi për të kryer shumë detyra
    • Njohuri të Sun, iScala, Opera Property Management System dhe aftësi për të operuar sisteme të tjera elektronike
    • Vëmendje ndaj detajeve dhe aftësi për zgjidhjen e problemeve

Së fundi

Siç kuptoni, pozicioni i përgjegjësit të financave është disi i komplikuar dhe përbëhet prej përgjegjësive të larta. Një përgjegjës financash duhet të jetë i zoti të menaxhojë, të ndërmarrë, të vlerësojë, këshillojë, dhe të krijojë strategji të gjitha në lidhje me buxhetin e komapnisë dhe fondit të investimeve.

Profesionisti mbas detyrës së përgjegjësit të finacave është përgjegjës për veprimatritë financiare dhe raportet e nevojshme që një organizatë të pakësojë shpenzimet dhe të ndjekë vazhdimisht qëndrueshmërinë e saj financiare. Përgjegjësi i finacave duahet të ketë edukim në ekonomi-financë, menaxhim, menaxhim marrëdhënieve me klientin, dhe të ketë aftësi të shkëlqyera analitike bashkë me njohuri mbi sistemet operacionale elektronike.

KTHIMI NË FAQEN E BLOGUT

Regjistrohuni në newsletter

për t`u njoftuar rreth ofertave dhe lajmërimeve të fundit.

Lidhje të shkurtra

Info Kontakti

  • learn@etg.al
  • +355 54 710 024
  • Rr. "Kozma Naska", Nr: 33/6, Elbasan 3001, Albania

Na ndiqni

Facebook Twitter Instagram Youtube Linkedin Pinterest Tiktok
© 2021 Elite Academy | NUIS L03321203G | PIC No. 893625305 | Powered by Elite Coaching

Duke ndjekur rrugën e edukimit profesional ndërtojmë siguri në aftësinë tonë profesionale.

Pozicione Pune që Mund të Aplikoni mbas Certifikimit me Elite Academy

Edukimi qëndron si bazë për zhvillimin e njeriut dhe shoqërisë, duke luajtur rol vendimtar në krijimin e profesioneve dhe mundësive për punësim në të ardhmen. Gjithashtu, edukimi po na tregon edhe rëndësinë që luan në zhvillimin ekonomik i cili lidhet ngushtë me vendet e punës dhe profesionet e një shteti.

Sot, për secilin që kërkon të punësohet në sektorin që dëshiron dhe të ushtrojë profesionin që ka për pasion pjesëmarrja në kurse dhe trajnime, ose shkollim të përqendruar në drejtim apo profil, është thelbësore. Ky lloj shkollimi ju jep studentëve të gjitha mjetet për të arritur nivelin e domosdoshëm teorik, praktik dhe profesional para se të nisen drejt marrjes së një pozicioni real punësimi.

Elite Academy në Elbasan, ka ndërtuar module dhe trajnime porfesionale të cilat përshtaten dhe zhvillohen në bazë të kërkesës së tregut të punës në vend. Gjithashtu, këto module janë të ndërtuara në lidhje me standardet evropiane dhe botërore të edukimit profesional. Çdo student që zhvillohet brenda mjedisit të Elite Academy, përgatitet në kohë për të marrë pozicionin e punës që dëshiron mbas diplomimit.

Në këtë artikull do të flasim për pozicionet e punësimit që kanë studentët e Elite Academy mbas diplomimit. Për më shumë rreth moduleve dhe trajnimeve që zhvillohen tek Elite Academy, vizitoni: https://eliteacademy.al

Pozicione punësimi që arrihen me anë të pjesëmarrjes në modulet mësimore të akademisë.

Tabela e Përmbajtjes

1. Marketing Digjital – Menaxher

Roli i Menaxher i Marketingut Dixhital është përgjegjës për dizenjimin, mbikëqyrjen dhe matjen e fushatës dixhitale duke përdorur sistemet automatike të marketingut, email-it dhe CRS-së.
Ky rol gjithashtu mund të mbulojë edhe për pozicionin e këshilluesit për marketing. Gjithësesi, marketingu dixhital si fushë profesionale përfshin shumëllojshmëri veprimesh strategjike mbi bazën e web dizajnit dhe zhvillueshmërisë dixhitale, SEO, dhe platforma mediatike.

Përgjegjësitë:

• Planifikimin e fushatës së marketingut, përfshirë këtu web, SEO/SEM, email, media sociale dhe reklamë.
• Mbajtja e prezencës dixhitale përgjatë kanaleve mediatike
• Matjet dhe raportimet e performancës së të gjitha fushatave të marketingut
• Bashkëpunim me agjencitë dhe furnizuesit e ndryshëm

Lexoni Artikullin: Menaxher i Marketingut Digjital.

2. Asistent Teknik IT

Ky pozicion ka të bëjë me ndihmën që u jepet përdoruesve, punonjësve dhe kompanive në përdorimin e duhur të IT Hardware-it dhe software-it, dhe merret me problemet ose vështirësitë që lindin prej përdorimit të këtyre pajisjeve. Asistenti i IT-së ose tekniku IT në mjedisin e punës, ofron, mbështetje teknike tek përdoruesit e një produkti teknologjik i cili mund të gjendet bë shumë industri të cilat përdorin mjetet teknologjike në mjedisin e tyre. Gjithashtu, ky rol ka të bëjë me gjetjen, kërkimin dhe zgjidhjen e problemeve kompjuterike.

Përgjegjësitë:

• Gjetjen dhe zgjidhjen të problemeve në website (hardware and software)
• Mbajtje e inventarit të sigurisë dhe shërbimeve të rrjetit
• Ndërtimin e raporteve mbi aktivitetin e pajisjeve (teknologji)
• Vënien në dijeni të menaxherit për problemet e pranishme
• Trajnimin e përdoruesve të kompjuterit
• Pastrimin e kompjuterave

Lexoni artikullin tonë: Asistent Teknik IT.

3. Zhvillues Front-End

Front End Developer ka të bëjë me përdorimin e njohurive të cilat lidhen me programimin dhe gjuhën e kodeve. Një developer i tillë duhet të komunikojë me klientët për të kuptuar nevojat e tyre, të optimizojë website-t për t’u përshtatur me formate të ndryshme, dhe të bëjë teste për të siguruar se kodet punënojnë ashtu siç duhet. Roli i tij kryesor është të kombinojë dizajnin dhe teknologjinë në mënyrë që të ndërtojë një eksperiencë të lehtë përdorimi për vizitorët e uebfaqes.

Përgjegjësitë:

• Të punojnë me klientët për të zhvilluar dizajnin dhe fasadën e uebfaqes
• Të zotërojnë mirë gjuhën e kodimit si HTML, C++ dhe Java
• Prodhimin, mirëmbajtjen dhe modifikimin e uebfqaeve dhe ndërfaqet e përdoruesve (user interface)
• Ndërthurjen e aplikacioneve, grafikës, tinguj dhe video tek uebfaqet e klientëve
• Krijimin e veglave të cilat ndihmojnë në rritjen e përvojës së përdoruesit të uebfaqes
• Të sigurohet se uebfaqa shfaqet saktë në çdo lloj platforme
• Testimi rutinë i uebfaqes
• Zgjidhja e problemeve që mund të lindin brenda uebfaqes

Për më shumë, lexoni Artikullin tonë.

4. Përgjegjës Financash

Ky pozicion pune lidhet ngushtë me përgjegjësitë e mbarëvajtjes financiare e një kompanie apo biznesi. Mbajtja e praktikave financiare brenda rregullit dhe formës ligjore është një sipërmarrje shumë e rëndësishme për qëndrueshmërinë në kohë e çfarëdolloj biznesi.

Përgjegjësitë:

  • Përformancë për detyrimet financiare duke gjeneruar edhe të dhëna bazë, përshtatshmëri ligjore, raportime, analiza financiare, dhe qëndrueshmëria financiare e kompanisë.
  • Mbikëqyrjen e operacioneve financiare të kompanisë
  • Monitorim dhe supervizim të llogarive – në tremujor dhe vjetor
  • Këshillimi mbi vendimmarrjen financiare
  • Mbikëqyrja e dokumenteve dhe përfytyrimi i së ardhmes financiare
  • Krijimin e strategjive financiare të së ardhmes

Për më shumë, lexoni Përgjegjës Financash.

5. Menaxher i Kontratave

Menaxheri ose administratori është i përgjegjshëm për të përgatitur, të dakordësojë dhe të dokumentojë kontratat e biznesit në emër të punëdhënësit të tij. Detyrat e tij janë të formulojë termat e dakordësisë, të vë në dijeni palët e përfshira, të rinovojë kontratat ose ti shtyjë ato, dhe të komunikojë qartë çdo hap të kontratës apo dhe ndryshimeve të saj.

Përgjegjësitë:

  • Ndërtimin, vlerësimin, pranimin dhe ekzekutimin e kontratave të ndryshme
  • Krijimin dhe mbajtjen e marrëdhënieve me furnizuesit
  • Mirëmbajtjen e bashkëbisedimeve dhe dokumenteve në mënyrë arritjen e mbylljes së kontratës
  • Komunikimin dhe prezantimin e informacioneve tek furnizuesit
  • Monitorimin e kontratave
  • Zgjidhjen e problemeve në lidhje me përmbajtën e kontratave

Për më shumë, lexoni Menaxher i Kontratës.

6. Shërbim ndaj Klientit

Ky pozicion ka të bëjë me shërbimin ndaj klientit dhe të çdo gjë që lidhet apo kërkohet prej klientit. Personi i cili qëndron mbas këtij pozicioni i përgjigjet kërkesave në lidhje me produktin dhe mundohet të tërheq klientë të rinj. Ai përpunon porositë dhe mundohet të plotësojë kërkesat e klientit për të arritur kënaqësinë totale të marrë prej shërbimit.

Përgjegjësitë:

• Hapjen dhe mbajtjen e llogarive të klientëve me anë të regjistrimit të të dhënave
• Zgjidhjen e problemeve të produktit ose të shërbimit duke qartësuar ankesat e klientëve
• Mbajtjen e llogarive financiare duke ndërmarrë rregullime të nevojshme
• Menaxhimin e thirrjeve të shumta
• Gjenerimin e shitjeve
• Mbarëvajtjen e ankesave të klientit
• Mirëpritje të ngrohtë të klientit dhe kuptueshmërinë e qartë të arsyes përse klienti kontakton me shërbimin
• Fshirjen ose ngritje-në-nivel të llogarisë
• Njoftimin e klientit për promocione ose oferta në çmim
• Mbarëvajtjen e ndryshimeve ose rinovimeve
• Krijimin e raporteve të përmbushjes së kënaqësisë së klientit

Për më shumë, lexoni Menaxher i Kontratave.

up

7. Recepsionist

Një agjent pritës ose agjent pritës hoteli, mbikëqyrë hyrje-daljet e klientëve dhe sigurohet që ata të kenë një qëndrim të këndshëm apo shërbimin e merituar. Ai ka për detyrë të vëzhgojë përmbushjen e shërbimeve dhe realizimin e plotë të çdo pjesë që përbën një produkt. Merret me verifikimet, dhënien e shërbimeve në kohë, regjistrimet e klientëve dhe sigurimin e pagesës bazë ose dhe të shtesave të tjera. Mbarëvajtja e komunikimit midis palëve dhe informimi i saktë i klientit është pjesa kyçe e këtij pozicioni.

Përgjegjësitë:

• Menaxhimin e komunikimit online, në telefon dhe fizik
• Mirëpritjen e klientëve, sigurinë e tyre dhe të të tjerëve, shpërndarjen e çelësave të dhomave, dhe të shpjegojë rreth komoditeteve të hotelit
• Marrjen e pagesave të klientëve
• Të përgjigjet për problemet dhe ankesat e klientëve në mënyrë miqësore
• Të shpjegojë komoditetet dhe mundësitë e zonës përreth biznesit
• Të bashkëpunojë me pjesën tjetër të stafit në mënyrë që të arrihet niveli i kënaqësisë së secilit klient
• Të ndihmojë klientët në planifikim e tyre të eventeve dhe konferencave
• Organizimin e shërbimeve speciale për klientët VIP

Për më shumë, lexoni Recepsionist.

8. Menaxher Operativ

Menaxher Operativ, është ai që vëzhgon proceset dhe përmirësimet e veprimtarive të një kompanie.

Përgjegjësitë:

• Planifikim afatgjatë për të krijuar veprimtari të cilat shtyjnë përpara qëllimet e një kompanie
• Koordinimin e grupeve të punës për të arritur ndërveprime dhe shkëmbime idesh, dhe gjetjen e rrugëve për të ulur shpenzimet duke optimizuar përfitimet
• Të frymëzoj dhe motivojë punonjësit të performojnë në nivelin më të mirë që munden
• Komunikimin me bordin drejtues
• Piketimin e problemeve dhe gjetjen e zgjidhjeve
• Piketimin e mundësive duke përfituar nga ndryshimet e tregut

9. Grafik Dizajner

Grafik Dizajner ose Artist i grafikës, është dikush që merret me krijimin dhe ndërtimin e pamjes figurative të websit-i. Ai krijon dhe vendos për llojin e imazhit, elementit grafik, estetikën grafike dhe shtrirjen përmbajtjes tek ndërtimi i një uebfaqeje. Çdo gjë pamore që ne shohim në një ekran apo hapësirë 2d, është punë e një dizajneri grafik.

Përgjegjësitë:

• Bashkëpunim me pjesëtar të tjerë të cilët krijojnë përmbajtjen e multimedias
• Krijimin e logos dhe materialit tjetër i cili duhet të shfaqet dhe përdoret
• Të ndihmojë në zgjedhjen e dizajnit (p.sh. ngjyrat, tipografia, etj.) për çdo krijim multimedial

Lexoni artikullin tonë rreth Grafik Dizajn.

10. Agjent Udhëtimesh

Ky pozicion pune ka të bëjë me ndihëm që u jepet individëve dhe bizneseve të planifikojnë udhëtimet tyre. Roli i tyre është të këshillojnë klientët rreth destinacioneve, të krijojnë itinerare, të rezervojnë udhëtime dhe hotele.

Përgjegjësitë:

• Këshillimin e klientëve rreth destinacioneve
• Ndjekjen e planeve të udhëtimit dhe bërjen e ndryshimeve të kërkuara prej klientit
• Kërkimin e informacioneve të sakta dhe të orareve në lidhje me udhëtimin
• Përshkrimin e udhëtimit dhe detajeve të tij tek klientët, dhe dokumentet që janë të nevojshme për kryerjen e udhëtimit
• Marrjen e vendimeve për ndryshimet që mund të ndodhin përpara dhe përgjatë udhëtimit
• Dhënien e informacioneve në lidhje me udhëtimin, broshura dhe publikime, guida dhe harta, aktivitete dhe evente në rast kur kërkohen prej klientit

Lexoni artikullin tonë Agjent Udhëtimesh.

11. Programues Tërësor (full-stack programmer)

Ky pozicion pune lidhet me programuesin e kompjuterit i cili është njohës i kodimit dhe ndërton platformën brenda së cilës ndërveprojnë dhe punojnë sistemet front-end dhe back-end. Personi mbas këtij roli, krijojnë ndërveprimin e përdoruesve rreth disa uebfqaeve dhe platformave, optimizojnë me anë të kodeve funksionet për madhësinë e telefonit dhe zhvillimin e data-bazës.

Përgjegjësitë:

• Menaxhimin tërësor i proceseve zhvilluese të konceptit në shtrirje praktike të software-it
• Mbarëvajtjen dhe përmirësimin software-it mbas shtrimit fizik të tij
• Menaxhimin e produktit dhe aplikacionit përgjatë gjithë ciklit ekzistues
• Mbikëqyrjen dhe udhëzimin e analizës, shkrimit, ndërtimit dhe shtrirjes fizike së software-it
• Mbikëqyrjen e sistemit automatik të testimit dhe raportimin e të dhënave
• Modifikimin dhe testimin e ndryshimeve të programeve të vjetra

Lexoni artikullin tonë.

12. Guidë Turistike

Guidë Turistike, emërtohet njeriu i cili është karizmatik dhe entuziast. Ai ka njohuri të gjera në fushë të caktuar, për vende, histori dhe kulturë, dhe aktivitete të interesit të veçantë. Guida shoqëron dhe udhëzon turistët dhe vizitorët rreth destinacioneve, aktiviteteve, vendeve dhe ekspeditave që lidhen me fushën e njohurive të tij.

Përgjegjësitë:

• Përgatitjen dhe planifikimin e itinerarit të udhëtimit
• Përgatitjen në përparësi e gjithçka që mund të nevojitet për ekspeditën
• Krijimin e skriptit (përshkrimit) të tregimit që do të prezantohet përgjatë ekspeditës
• Të shpjegojë çdo gjë të nevojshme në lidhje me sigurinë tek grupi i ekspeditës
• Të përgjigjet pyetjeve të klientëve
• Mbështetjen me ndihmë shtesë aty ku nevojitet, përfshirë edhe ndihmën e shpejtë

Lexoni më shumë.

Fjalët e fundit

Mbasi kemi mësuar rreth pozicioneve të punësimit që mund të gjenden në tregun e punës, sot, rëndësi ka që secili të nis më parë shkollimin dhe trajnimin në fushën ë dëshiron të ndjekë. Bashkë me këto, rëndësi ka edhe praktika në mjedis real pune, p.sh internship. Tek Elite Academy nuk do të gjeni vetëm modulet dhe shkollimin tuaj rreth fushave të interesit për secilin student, por edhe mundësi për të praktikuar një internship brenda kompanisë, gjë që ju jep mundësinë edhe të përfitoni një vend punë në të ardhmen. Për këtë qëndroni gjithnjë në linjë rreth njoftimeve për pozicione të lira pune në kompani.
KTHIMI NË FAQEN E BLOGUT

Regjistrohuni në newsletter

për t`u njoftuar rreth ofertave dhe lajmërimeve të fundit.

Lidhje të shkurtra

Info Kontakti

  • learn@etg.al
  • +355 54 710 024
  • Rr. "Kozma Naska", Nr: 33/6, Elbasan 3001, Albania

Na ndiqni

Facebook Twitter Instagram Youtube Linkedin Pinterest Tiktok
© 2021 Elite Academy | NUIS L03321203G | PIC No. 893625305 | Powered by Elite Coaching

Tag: profesione

Freelancing (Të punosh në mënyrë të pavarur)

Posted on by Alem Bedhija

Të punosh në mënyrë të pavarur, apo freelancing, është kthyer në një nga mënyrat më të përhapura të të punuarit kohët e fundit. Kush nuk do të donte të punonte sipas orareve më të përshtatshme për të, të zgjidhte projektet dhe punët që dëshiron të marë përsipër. Çfarë është freelancing? Freelancing është një mënyrë vetëpunësimi, […]

Read More…

Asistentët e dëgjimit në set: zëri i produksioneve tuaja të parapëlqyera

Posted on by Alem Bedhija

Nga vetë emri, besojmë është e kuptueshme që asistentët e zërit, janë ata që ndihmojnë që zëri të dëgjohet sa më mirë të jetë  e mundur. Pa u zgjatur shumë, le të shohim konkretisht me çfarë meret një asistent zëri dhe çfarë cilësish duhet të kete. Ç’bëjnë asistentët e zërit? Asistentët e zërit meren përgjithësisht […]

Read More…

Shoferi i transfertës: ju çon në destinacion në kohë, të sigurtë dhe rehat.

Posted on by Alem Bedhija

Ndonëse shumë prej e shohin transportin nga një pikë në një tjetër si një shërbim dhe shpeshherë edhe si luks, duhet të mos harrojmë se ky është një profesion i mirëfilltë. Në këtë blog do të shqyrtojmë se ç’bën një shofer transferte, çfarë kualifikimesh ka dhe pse parapëlqehet kaq shumë. Cili është roli i shoferit […]

Read More…

Seti filmik krijon atmosferën për një produksion krijues të shkëlqyer

Posted on by Alem Bedhija

Nëse keni dashur ndonjëherë të jetoni në vendodhjen e filmit apo serialit tuaj të preferuar, na vjen keq t’ju zhgënjejmë, por ç’ka dëshironi në të shumtën e herevë nuk është veçse një dhomë me tre mure. Gjithsesi, na duhet ta pranojmë se jo rrallë herë kemi mbetur pa fjalë dhe kemi admiruar dhomën e personazhit […]

Read More…

Përgjegjës Financash

Posted on by Kristian Zara

Një rol me shumë elementë dhe me përgjegjësi të lartë Përgjegjës Financash është ai që ndihmon kompanitë me mbarëvajtjen e financave të tyre në mënyrë që të arrijnë objektivat e vendosur. Çdo objektiv mund të arrihet ma anë të dikujt i cili ka njohuri mbi fushën duke u bazuar në ndërtimin startegjive dhe raporteve financiare. […]

Read More…

Pozicione Pune që Mund të Aplikoni mbas Certifikimit me Elite Academy

Posted on by Kristian Zara

Edukimi qëndron si bazë për zhvillimin e njeriut dhe shoqërisë, duke luajtur rol vendimtar në krijimin e profesioneve dhe mundësive për punësim në të ardhmen. Gjithashtu, edukimi po na tregon edhe rëndësinë që luan në zhvillimin ekonomik i cili lidhet ngushtë me vendet e punës dhe profesionet e një shteti. […]

Read More…